Япон улс Ираны газрын тосны импортыг сэргээхээр бэлтгэж байна
Газрын тосны бөөний худалдаа эрхэлдэг Японы компаниуд энэ оны сүүлчээр Иранаас нийлүүлэх түүхий газрын тосны импортыг сэргээж магадгүй байна. Ираны газрын тосонд тавьсан хоригоос Япон болон өөр 7 улсыг АНУ түр хугацаанд чөлөөлсөн билээ.
Японы газрын тосны байгууллагын тэргүүн Такаси Цукиока өнгөрсөн мягмар гарагт сэтгүүлчдэд хэлэхдээ “Ирэх сарын сүүлчээр хэд хэдэн компани Иранаас нийлүүлэх газрын тосны импортыг сэргээж магадгүй байна. Ирэх оны нэгдүгээр сараас 3 дугаар сарын хугацаанд газрын тосны импортын хэмжээ нэмэгдэж магадгүй юм. Хоригоос чөлөөлөх хугацаа 180 хоног үргэлжилнэ. Гэсэн хэдий ч энэ хугацаа дууссаны дараа юу болох нь тодорхойгүй байна” гэжээ.
Түүний ярьж байгаагаар, энэ 6 сарын хугацаанд Японы компаниуд Иранаас аль болох их хэмжээний газрын тос импортлохоор төлөвлөж байгаа аж.
Э.Аянзаяа
Эх сурвалж: Монцамэ агентлаг
URL:
