Монгол улсын оршин тогтнолд аюул нүүрлэжээ

Монгол Улсын хувьд 2.7 сая хүнтэй. Хүн ам цөөнтэй орны тухайд амин чухал асуудал бол хүн ам зүйн бодлого юм.

Аливаа улс орны хөгжлийн чухал үзүүлэлтийн нэг амин судас бол хүн амын өсөлт эрүүл мэнд, ажлын байранд хэрэгцээтэй ажиллах хөдөлмөрийн насны эрүүл чийрэг ажиллах хүчин байдаг. Манай улсын хувьд 1921-1980 онд хүн амын цэвэр өсөлт дөрвөн хувьтай болж 2.4 сая хүнтэй болж байсан нь саяхан билээ.

1990 оноос хойш хүн ам зүйн боддого үндсэндээ алдагдаж хүн амаа анхаарах асуудлаа бүр хаясан гэхэд болно. Нийт хүн амын найман хувь буюу 200.000 гаран Монголчууд гадаад оронд ажиллаж амьдарч сурч байна гэсэн албан бус тоо баримт байдаг.

Монгол Улсын 2.7 сая хүн амд харьцуулж бодоход 17000-18000 гадны иргэд Монгол Улсад байхад Монгол хүний удмын сан хадгалагдана гэдэг тооцоо байдаг. Жилдээ 1000 гадны иргэд Монголд орж ирж байхад Монгол хүний удмын санд аюулгүй гэж үзсэн тооцоо байдаг юм билээ. Гэтэл 2001 онд 72 орны 37000 гадны иргэд Монгол Улсад зөвшөөрөлтэйгээр ажиллаж байсан ба тэдгээрийн 70 хувь хятад, 20 хувь солонгос, болон бусад орныхон байна. Огт бүртгэлгүй 20000 хятад иргэн байгаа гэсэн тоо баримт байдаг.

Гадаадын харьяатын албанаас Монголд одоогийн байдлаар 107 орны 34.000 хүн ажиллаж амьдарч байна гэж мэдээлсэн нь үнэнд хэр ойрхон болдоо. 2010 онд манай улсад уул уурхай.зам барилгын салбарт 10.000 хятад иргэн орж ирж байна. Мөн Оюун-Толгойд 3000 хятад иргэн орж ирэхээр болжээ. Энэхүү тоо баримт бол нэг жилийн албан ёсоор зарлагдаж мэдэгдэж байгаа тоо болохоос мэдэгдээгүй урьд нь орж ирээд одоо байгаа, орж ирж байгаа гадныхан тэр тусмаа хятадуудын тоо замаа алдпаа.

Бараг л 100.000 гаран гадныхан Монголын маань эцэг өвгөдийн маань цусаараа амиараа хамгаалж ирсэн газар нутаг дээр минь олз хайж шүлсээ хаяж, охид бусгүйчүүдийг минь бузарлаж явж байна гэхээр үнэхээр аймшигтай. Монголчууд минь нойрноосоо сэрэх цаг болжээ. Монгол орон үндэсний аюулгуй байдал алдагдаж Монгол үндэстэн орших уу, эс орших уу дээрээ тулаад байна. Маш харамсалтай. Бидний өвөг дээдэс ийм арчаагүй орныг, амиараа цусаараа хамгаалж бидэнд өвлүүлээгүй шүү дээ.

Түүхийн эх сурвалжаас харахад цагтаа маш хүчирхэг байсан манж гүрэн хятадад эзлэгдэж биш уусч алга болсныг эргэн санах хэрэгтэй болов уу. Хятадууд манж нарыг ажил хийлгэхгүй та нар бол тэнгэр язгууртай гэж хошгируулж, нэг машк айлд олон хятад зарцлагдаж очих нэрээр уусгаж үгүй болгосон.

Хэдэн жилийн дараа Монгол үндэстэн үгүй болж баахан ЛИ овогт.Ван овогт.Чен овогтууд Монголын маань газар шороон дээр дураараа тарвалзах гэж байна шүү дээ. Монгол үндэстэн мөхөх дээрээ тулаад байна, хүмүүсээ… Энэ бол Монголчуудыг ядуу тарчиг байлгаж нөхөн үржихүйн ид насны эрчүүдийг нь гадаад орон руу экспортлоод оронд нь хятад, солонгосчуудаар Монголыг маань дүүргэж байгаа манай төрийн түшээдийн харалган бодлогын илрэл гэж хэлэхээс өөр юу хэлэхэв дээ. Монголчууд минь сэрэгтүн! сэрэмжлэгтүн!

Эх сурвалж: “Улаанбаатар таймс”