Гацуур модоо архитай тоглоомоор чимэж болно

Удахгүй болох шинэ жилийн баярт зориулсан элдэв янзын тоглоом, гацуур модны чимэглэлүүд дэлхийн өнцөг бүрт худалдаанд гарч эхлээд байна. Сонин содон зүйлс олон байгаагийн нэг нь та гацуур модоо архитай тоглоомоор чимэж болох юм.

Тоглоом бүр 20 грамм согтууруулах ундааг өөртөө агуулна. Их Британид виски, жин, цагаан архиар дүүргэсэн тоглоомууд худалдаанд гарчээ. Энэ бүтээгдэхүүнийг “Lakes Distillery” компани үйлдвэрлэн гаргасан байна.

Бөмбөлөг хэлбэртэй зургаан тоглоомоос бүрдсэн иж бүрдэл 19,9 фунт стерлингийн үнэтэй гэнэ. Харин нэг тоглоомыг дангаар нь худалдан авбал ганцаараа 11,9 фунт стерлингийн үнэтэй аж.