С.БАЯР: “ОНЦ БАЙДАЛ ЗАРЛАХ БОЛЖЭЭ” ГЭЖ ХЭЛСЭН НЬ ҮНЭН

Ерөнхийлөгч асан Н.Энхбаяр “Тухайн үед Онц байдал зарлахгүйгээр асуудлыг намжааж болох байсан ч С.Баяр зарлахыг шаардсан. Түүний шахалтаар онц байдал зарлах зарлигт гарын үсэг зурсан” гэж мэдэгдэж байв.

Түү­ний энэ мэдэгд­лийн да­раа Прокурорын дэргэ­дэх Мөрдөн байцаах албаныхан Н.Энхбаяр, С.Баяр, Ц.Мөнх-Оргил, Ё.Отгонбаяр нараас тайл­бар авахаар болсон. Бо­ловсрол, соёл, шинжлэх ухааны сайд Ё.Отгонбая­раас тайлбар авах болсон нь тэрээр тухайн үед МАН-ын Ерөн­хий на­рийн бич­гийн дарга бай­сан. С.Баяр Н.Энхбаярыг шахаж шаардан Онц байдал тогтоолгосон уу гэдгийг нотлох гэрч нь тэр байв. Мөрдөгчид уг хэрэгтэй холбогдуулан Ерөнхийлөгч асан Н.Энх­­­баяр, Ерөнхий сайд асан С.Баяр, Хууль зүй, дотоод хэргийн сайд байсан Ц.Мөнх-Оргил нараас тайлбар авсан байна. Ингэхдээ С.Баяр тайлбараа өнгөрсөн аравдугаар сард өгсөн бол Ц.Мөнх-Оргил өнгөрсөн онд өгчээ. Харин Ё.От­гонбаяраас тайлбар авах шаардлагагүй гэж үзсэн байна. Тэд тайлбарт юу гэж өгүүлсэн юм бол.

“ТАТСАН ЦАГДАА НАРАА ОНЦ БАЙДАЛ ЗАРЛАСНЫ ДАРАА ХОТЫН ТӨВ РҮҮ ОРУУЛСАН”

С.Баяр: -Би тайлбар өгөхөөс татгалзах юм ал­га. Дөрвөн хүнийг буудаж хөнөөсөн энэ хэрэг зайлш­гүй илрэх ёстой. Илрээсэй гэж хамгийн их хүсдэг нь би. Нийгэмд цагдаа нар буу­даж хөнөө­сөн гэх ойлголт түгсэн байна. Гэхдээ шүүхийн байгууллага цаг­даа бууд­саныг тог­тоож, гэм буруу­тайг нь нотлоогүй байна. Ийм үед танай албаныхан өөрсдөө цаг­даа буудсан нь тог­тоогд­лоо гэж яриад байх юм.  Хүний гэм бу­рууг шүүх тогтоодог уч­раас эртнээс дүгнэлт хийх нь зохимж­гүй. Ерөн­­хий­лөгч асан Н.Энхбаяр нэ­гэн хэвлэлд ярихдаа “Дол­дугаар са­рын 1-ний үймээний үеэр С.Баяр шаардаж, аргагүй байдалд оруулж Онц байдал зар­луулсан” гэсэн байдаг.  Байдал эвгүй бо­лоод ирэхээр нь би Н.Энх­­­баярт “Та Онц бай­дал зарлаж арга хэмжээ авах­гүй бол байдал эвгүй­тэх нь” гэж хэлсэн нь үнэн. Түүнээс бус гар­цаагүй байдалд оруулж, шахаж шаардсан юм байхгүй.  Тухайн үед цаг­даа нар үнэхээр хэцүү нөхцөлд ажиллаж байсан. Тус өд­рийн 22.30 цагийн үед болов уу даа ЦЕГ-ын даргын үүрэг гүйцэтгэгч Ч.Амарболд надтай уулза­хаар ирэхэд  нь “Цагдаа нараа тат” гэж хэлсэн. Цагдаа нар үүрэг гүйцэт­гэх боломжгүй, хүчин мө­хөсдөж байсан учраас тэр. Татсан бүрэлдэ­хүү­нээ Нийс­­лэлийн цагдаа­гийн газарт бөөгнөрүүлж бай­гаад Онц байдал зарласны дараа хотын төв рүү оруулсан” гэжээ.

“ШУУРХАЙ ШТАБЫН ДАРГА БАЙСАН УЧРААС ЦЭРГИЙН ТАЛЫН АСУУДЛЫГ МЭДЭХГҮЙ”

Ц.Мөнх-Оргил: -Онц байдал зарласан үед хуу­лийн дагуу ажилласан. Би Онц байдал тогтоосон тэр үед шуурхай штабын дар­гаар ажиллаж байсан.          /Онц байдлын тухай хуу­лийн 9.9-д Шаардлагатай гэж үзсэн тохиолдолд Зэвсэгт хүчний ерөнхий штаб, цагдаа, тагнуул, хил болон иргэний хамгаа­лалтын асуудал эрхэлсэн төв байгууллагуудын дар­га нарын бүрэл­дэхүүнтэй шуурхай штаб байгуулж ажиллуулах/ гэж заажээ. Үүний дагуу Гадаад харил­цааны сайд, Эрүүл мэндийн сайдаас бүрдсэн шуурхай штабыг удирдаж ажилласан. Шуурхай штаб нь онц байдлын үр дагаврыг арилгахад орол­цож байгаа цагдаа, таг­нуул, цэргийн анги, сал­барын үйл ажиллагааг уялдуулан зохицуулж шуур­­хай удирдлагаар хангах, нийгмийн болон хүн амын амьдралыг хэ­вийн болгоход холбогдох арга хэмжээ авах чиг­лэлтэй. Түүнээс биш цаг­даагийнханд “Ингэ, тэг” гэж тушаал өгөх нөхцөл бага байсан. Ту­шаал өгөх  боломж ч бай­гаагүй. Өөрөөр хэлбэл, цэргийн талын асуудлыг би мэ­дэхгүй. Үндэсний аюулгүй байд­лын зөвлө­лөөс үймээ­нийг зогсоох ажиллагааг зохион бай­гуулахыг ЦЕГ-ын даргын үүрэг гүйцэтгэгч, хошууч генерал Ч.Амарболдод даалгасан. Ингэхдээ галт зэвсэг хэрэглэхгүй байх талаар үүрэг өгсөн байдаг. Тиймээс цагдаа нар галт зэвсэг хэрэг­лэсэн гэж үзэхгүй байна” гэжээ. Уг хэрэгтэй хол­богдуулан Прокурорын дэргэдэх Мөрдөн байцаах алба­ныхан дараах дүгнэлтийг өнгөрсөн онд хийж байв.

ПРОКУРОРЫН ДЭРГЭДЭХ МӨРДӨН БАЙЦААХ АЛБАНЫ ДҮГНЭЛТ

-Хэргийн газрын үз­лэг болон мөрдөн бай­цаалтад хураагдсан хон­гио, сумны хошуу нь ЦЕГ-ын харъяа Эргүүл хамгаалалтын газрын эзэмшлийн буу болох нь шинжээчийн дүгнэлтээр тогтоогдсон. Мөрдөн бай­­­цаалтын шатанд гэр­чээр мэдүүлэг өгсөн 1000 орчим хүний 100 гаруй нь цагдаагийн бай­гууллага гэрэлт хо­шуутай сум хэ­рэг­­лэсэн тухай гэрчилсэн.

-Нэр бүхий дөрвөн хүн үймээн дэгдсэн шөнө 01:35-02.00 цагийн хоо­ронд буудуулж нас барсан.

-Монгол Улсын Үн­дэс­ний аюулгүй байдлын зөвлөлөөс үймээнийг зог­­­соох ажиллагааг зо­хион байгуулахыг ЦЕГ-ын даргын үүрэг гүйцэт­гэгч, хошууч генерал Ч.Амарболдод даалгасан байна. Ингэхдээ галт зэвсэг хэрэглэхгүй байх талаар үүрэг өгчээ. Үүр­гийн дагуу Ч.Амарболд нь НЦГ-ын дарга, хуран­даа О.Зоригтод утсаар мэдэгдэж, байлдааны галт зэвсэг хэрэглэхгүй байх үүргийг дамжуулсан. Генералаас ирүүлсэн үүрэг ёсоор О.Зоригт нь үймээнийг зогсоох ажил­лагааг хэрэгжүү­лэхийг газар, хэлтсийн дарга нарт үүрэгдсэн байдаг. Харин Эргүүл хамгаа­лалтын газрын дарга, хурандаа Ш.Батсүхийн үүргийн дагуу АКМ мар­кийн бууг Эргүүл хамгаа­лалтын газрын зурга­дугаар тусгай тасгийн ажилтнуудад тараасан байна.

-УБИС-ийн баруун тал, нэгдүгээр эмнэлгийн хойд тал, Гадаад харил­цааны яамны хойд уулз­вар зэрэг маршрутаар үймээ­нийг зогсоох, үймээнд оролцогч нарыг баривчлах ажиллагааг явуулсан. Энэ үед цагдаа нар “Авеко” автомашины цонхоор болон автома­шинаар халхавчлан гэ­рэлт сумаар буудсан нь мөрдөн байцаалтын яв­цад тогтоогдсон.

-Үймээнийг тараах ажиллагааны үед буюу хүн буудуулсан цаг хугацаанд ТЕГ, ЗХЖШ, ХХЕГ, ШШГЕГ, ОБЕГ-ын ажилтнууд тараах ажиллагаанд оролцоогүй болох нь тогтоогдсон.