МАН-ын ”Алтан сарнай”-г Н.Номтойбаяр хүү удирдаж эхэллээ

МАХН нэрнээсээ ичсэн үү, зугтаасан уу бүү мэд, ямартай ч 90 жилийн өмнөх МАН нэрэндээ хайр зарлаж, шинэчлэгдсэн гэх тус намынхан сонгууль дөхсөн нэг жилийн хугацаанд өөрсдийгөө энхийн цагаан тагтаа мэтээр ойлгуулах гэж олон түмний толгой тархийг угаах ажлаа эрчимжүүлж байна.

Жил бүрийн МАН-ын дэргэдэх Нийгмийн Ардчилал Монголын Залуучуудын Холбооноос зохион байгуулагддаг “Алтан сарнай” наадмаа тус намынхан өөрийн мөнгөний машин болох намын гол санхүүжүүлэгч компаниуддаа нэг нэгээр нь даатгаж өгдөг уламжлал тогтсон билээ.

Энэ удаагийн “Алтан сарнай” наадмын зохион байгуулах бүх эрхийг МАН-ын номер нэг санхүүжүүлэгч МАК-ийн өв залгамжлагч Н.Номтойбаярт даатгасан байна. Зөвхөн Улаанбаатарт ч бус бүх л аймгийн салбар хорооны “Алтан сарнай”-г ч тэрбээр өөрийн санаснаар зохион байгуулах гэнэ. МАН мөнгөнд толгойгоо мэдүүлж, хэн ч мэдэхгүй баян айлын хүүг зусарддаг нь юуны учир вэ?
Г.Баясгалан (www.wikimon.mn)