3D хэвлэгчээр нохойн гавал бүтээв

Тархины хорт хавдрын улмаас гавлын яс нь гэмтсэн нохойд Канадын мэргэжилтнүүд 3D хэвлэгч машин ашиглан ган гавлын яс бүтээсэн байна. Такс үүлдрийн, одоо есөн настай нохойн тархинд хавдар үүсэн гавлын ясыг нь ноцтой гэмтээсэн оношийг эмч нар тавьсан юм.

Нохойгоо аврахыг хүссэн эздийн захиалгаар энэхүү хиймэл гавлыг бүтээн амьтанд суулгах хагалгааг хийсэн бөгөөд дөрөв цаг үргэлжилсэн мэс ажиллагаа амжилттай болсон гэнэ.