Ким Чен Ир галт тэргэнд нас баржээ

Японы NHK болон бусад мэдээллийн хэрэгслүүд Хойд Солонгосын удирдагч Ким Чонг Ил буюу Ким Чен Ир нас барсан тухай мэдээллийг шуурхай мэдээгээрээ цацаж эхэллээ. Эдгээр эх сурвалж мэдээлснээр бол , өнөөдөр Хойд Солонгосын Чусон тв  12.00 цагт дамжуулсан  тусгай мэдээгээрээ , тус улсын  Их Удирдагч Ким Чонг Ил өвчний улмаар өнгөрсөн 17-ны өдрийн 08.30 цагт нас барсан тухай мэдээлжээ . Тэрээр энэ үедээ өөрийн галт тэргэндээ суун явж байсан ба  эх орныхоо нэг хэсэг газар очиж ажил байдалтай нь танилцахаар явж байсан байна.

Одоогоор Хойд Солонгосын удирдагч Ким Чонг Ил нас барсан мэдээллийг авсан Өмнөд Солонгосын засгийн газар шуурхай хуралдаан  зарлан  цаашид авах арга хэмжээний тухай хэлэлцэж байгаа юм байна.