Автобус, зуурмагийн машин, 2 жижиг тэрэг мөргөлджээ
Энэ сарын 26-ны орой 21:00 цаг орчимд Гурвалжингийн гүүрний ойролцоо дөрвөн автомашиныг хамарсан ноцтой осол гарчээ.
Тодруулбал, нэг зуурмагийн том оврын машин, Тахилт-Саппоро чиглэлийн нийтийн тээврийн автобус болон хоёр Тоёота маркийн автомашинууд мөргөлдсөн байна. Уг нөхцөл байдлаас үүдэж тухайн үед тус хэсэгт авто замын түгжрэл үүсчээ.
Энэхүү осол Гурвалжингийн гүүрний урдаасаа хойшоо явах чиглэлд гарсан юм. Ослын үеэр хүн бэртсэн эсэх нь одоогоор тодорхойгүй байгаа бөгөөд Замын цагдаагийн газраас ослын шалтгааныг тодруулахаар ажиллаж байна.
Эх сурвалж www.wikimon.mn
URL:
