Лавлах утсыг тойрсон хөгтэй явдлууд…

Зарим дөрвөн оронтой утаснууд зүгээр л хаяг байршил, утасны дугаараар мэдээллээ хязгаарладаг бол эднийх таны хүсэлтийн дагуу улам лавшруулан тодруулж, таны утсанд эргэж холбогдон мэдээллийг шуурхай, дэлгэрэнгүй хэлбэрээр хүргэж чаддаг. Мөн энэ лавлахынхан тохиолддог олон сонин, марзан ч гэмээр хүсэлтүүдийг дашрамд энд хавсаргая.

UB 1617: Өндөг яагаад том жижиг байдаг вэ?

UB 1617: Уул уурхайн компанийн захиралд бэлэглэх модон жижиг машинд нүүрс ачих гэсэн юм.  Нүүрсийг нь тогтоож өгдөг газар гэнэ. Хаана байдаг юм бол?

UB 1617: Ногооны ханш хэд байна гэсэн асуултын хариуд “Долларыг найман шарга зах дээр…” гээд хариулж эхэлсэн чинь “Үгүй ээ, хүнсний ногоо асууж байна” гэв.

UB 1617: Үгэнд ордоггүй хүүхдийг яах вэ гэсэн асуулт ирж байсан.

UB 1617: Бас нэг шөнө хэдэн хүн хөдөө төөрчихөөд жи пи эс-дээ солбилцолоо олохгүй байна гээд  тусламж хүссэн. Солбилцолыг нь хэлж өгсөний дараа тэд “Бидний аминд орлоо” гээд талархалаа илэрхийлэхээр манайд ирж цэцэг, набор энэ тэр өгч байсан.

UB 1617: “Монголын вампируудын холбооны утас хаягийг авъя” гэхэд нь нөгөө оператор нь хайгаад бөөн юм болж болж эргэж холбогдоод “Уучлаарай вампируудын холбоо гэж байхгүй л байна даа” гэсэн чинь “Биш ээ, банкируудын холбоо гээд байхад” гэсэн.

UB 1617: Манай ээж гэртээ ирэхгүй байна. Хаана байгааг нь хэлээд өгөөч.

Захиалагч, үйлчлүүлэгч бол хаан л гээд байх хэрнээ бид ер нь үнэндээ үйлчилгээнийхээ боол болчихоод байдгийг та анзаарсан уу? Тэгвэл энэ тал дээр жинхэнэ хүч хөдөлмөр гарган ажиллаж байгаа UB лавлах 1617-гийн хамт олны үйлчилгээг дахин нэг сануулъя гэж санасан юм. Энэ хамт олон руу та залгахад л болно. Тэндээс хүссэн номоо захиалан авч гэртээ болон албан газартаа, эсвэл бүр хот дотрын хаа ч явж байсан та номыг дэлгүүрийнх нь үнээр өөрийн гар дээрээ хүлээн авах боломжтой. Ванга миний уншсан бүх ном энэхүү үйлчилгээгээр дамжин ирсэн юм. Тиймээс та хүргэлтийн үнэ хөлсөнд санаа зовохгүйгээр өөрийн уншихыг хүсэж байгаа номоо өөрийн болгож авах боломжтой болжээ гэсэн үг. Мөн төрөл бүрийн зар, сураг, нэр хаяг, утасны дугаар, зурхай зурлага, онгоцны хөөрөх буух цаг, галт тэрэгний хуваарь гээд бидний амьдралын хэрэгцээ шаардлагад өдөр бүхэн л эрэлттэй байдаг олон мэдээллийг эднийх рүү залгаад л хүлээн авах боломжтой юм.

Эх сурвалж: http://ub_1617.blog.gogo.mn