Урагшаа тэмүүл
Бумба овогтой Баасанбадам хуудаснаас
Бүтээсэн амьдралаа нураахгүй ухааныг тархиндаа ургуул
Бүлээхэн биеэ мунхагаар дүүргэхгүй уужуухнаар цэнэглэ
Бүтэн тавилангаа таллаж хуваалгүй ухамсрыг бодолдоо зур
Бүсгүй хүнээс унасан гэдгээ цусандаа шингэтэл ойлго
Эерэг юмсын эсрэг бус хүлээн зөвшөөрч зөвийг эрхэмлэ
Ихэмсэг зантанг өөгшүүлж дулдуйтаж бүү хөөргө
Эрх мэдэлд бөхөлзөж өөрийгөө гутаан битгий доромжил
Ээжийн хүйтэй холбоотойгоо эгнэгт санахыг эрмэлз
Үйлээ яаж босгоно үүрэх хүн үлдээснээ сана
Үйлс хазайвал тэгшрэх гэж үнэнд гүйцэгддэгийг цэнэ
Үдүүлээд мордохдоо харамсах зүйл үүдэндээ орхилгүй
Үртэйгээ адил сэтгэж өгөөмөр сэтгэлээ ил гарга
Өөрийгөө л гэх үзлээ түрдээ хойшлуулаад нэг үз
Өөнтөгч нэгний үгийг мартаад сайныг хүсээд тайвшир
Өндөр заяанд завилчихаад гундаж гутрах зохихгүй ээ
Өгсөж яваагаа санаад зөвхөн ухрахгүй урагшаа тэмүүл
Бумба овогтой Баасанбадам
2018-05-24 нд
URL:
