Аварга том гартай хүү

Энэтхэгийн 8 настай Калим гэгч хүүгийн гар хүний санаанд оромгүй аварга том, нэг нь гэхэд л 8 кг жинтэй гэнэ. Ямар нэгэн өвчин зовиургүй ч эмч нар ямар ч туслалцаа үзүүлж чадахгүй байгаагаас хүү одоо хичээлдээ ч явж чадахаа больсон байна.

Калим “Хүүхдүүд чиний том гарнаас чинь айгаад байна гэж багш хэлдэг. Тэгээд ч жаалууд ийм том гартай хүнтэй зодолдож үзье гээд амраадаггүй юм. Ер нь үзэг харандаагаа ч барьж чадахгүй, товчоо ч товчилж барахгүй болохоор сургуульд явахад хэцүү” гэж ярьж байна.

Энэ тухай ямар нэгэн сурах бичиг, анагаахын түүх, интернетэд байхгүй болохоор яаж эмчлэх, хэрхэн мэс засал хийх талаар арга мухардаад байгаагаа орон нутгийн эмнэлгийн их эмч Ратан хэлдэг байна.

Бас нэг бэрхшээл нь тэдний гэрийнхэн сардаа ердөө л 25 долларын орлоготой болохоор хүү минь цаашдаа яаж амьдарч, өөрийгөө хэрхэн тэжээх бол гэж санаа нь зовдог ч хүүгээ эмчлүүлэхээр хол ойр явж чаддаггүй байна.

Хүүгийн аав 45 настай Шамин “Хүү маань хоол хүнсээ ч барьж идэж чадахгүй, тэгэхээр мэс засал хийлгэж л түүнийг аварна. Эмнэлгээр авч явья гэхээр бидний амьдрал үнэхээр хүнд яахаа ч мэдэхгүй л байна” гэж ярьжээ.



Эх сурвалж: www.assa.mn