БОГДХАН УУЛАНД АЛХАЖ ЯВААД ХАДНААС УНАЖ АМИА АЛДЖЭЭ

Хан-Уул дүүргийн 11 дүгээр хороо, “Чингисийн өргөө” амралтын газраас урд зүгт 200 метр Богдхан ууланд алхалт хийж явсан иргэн амиа алдсан харамсалтай хэрэг гарчээ.

Тодруулбал, Баянзүрх дүүргийн харьяат 61 настай эрэгтэй Д хадан дээрээс унаж бэртсэн тухай дуудлагыг өчигдөр 11.56 цагт хүлээн авч Нийслэлийн Аврах ангийн 8 алба хаагч, 2 автомашинтай очсон байна. Ингэхэд иргэн Д аль хэдийн нас барсан байжээ.

Тиймээс цогцсыг буулгаж, цагдаагийн байгууллагад шилжүүлэн өгчээ.