Алуурчин шоргоолжноос болгоомжил!

Асар их хүчтэй хор ялгаруулдаг хүрэн шоргоолж БНСУ-ын Бусан хотын боомтоос дахин илэрчээ. Өчигдөр буюу 30ны өдөр Хятадаас Бусан хотын боомтод импортоор орж ирсэн хатаасан хулс модыг шалгах явцад контейнер дотроос хоёр хүрэн шоргоолжийг илрүүлсэн байна. Тус контейнер эргэн тойронд хөл хорин, хор цацаж яаралтай арга хэмжээ авсан гэжээ. Гэхдээ энэ шшоргоолж нь алуурчин хүрэн шоргоолжийг бодвол арай өөр төрлийн байж магадгүй хэмээн хорио цээрийн газраас мэдээлэлсэн байна.

Уг шоргоолж нь анх Хятадын Гуанжоу мужаас тархаж эхэлсэн болох нь тогтоогдсон байна. Гуанжоу муж нь Зүүн азийн ачаа тээврийн хамгийн том боотм хот бөгөөд энд 20 гаруй улс орны ачаа, тээврийн түгээлт хийдэг байна.

Хүрэн шоргоолжны нь зүү мэт хошуу нь хатгах газар тааралдмагц тэр даруйдаа хатгаж орхидог хурдаг шалмаг хөдөлгөөнтэй. Хүний арьсанд хатгахад л агшин зуур хор бүх биеэр тархаж улайж загатнах, зүрх дэлсэх, улмаар өндөр халуурах, хоолой боогдох, анафилаксийн шоконд орж  үхэлд хүргэж болох аюултай юм байна. Энэ алуурчин шоргоолж нь аж ахуй, тариан талбайд үүрлэх магадлалтай учир хөдөө аж ахуйн эрхлэгчдэд анхааралтай байх хэрэгтэй юм байна. Тус шоргоолж нь 2.5-6мм ийн урттай улаан хүрэн өнгөтэй юм байна.

Өнгөрсөн 2-р сарын 19 нд Инчоны боомтоор орж ирсэн каучук модноос хүрэн шоргоолж илэрч байсан байна. Энэ шоргоолж нь Өмнөд Америкийн бүс нутгаас гарал үүсэлтэй бөгөөд одоогийн байдлаар АНУ, Хятад, Австрали гэх 14 улс оронд тархаад байгаа юм байна. 2005оноос эхлэн Хятад улсад хурдацтай тархаж эхэлсэн юм байна.