“Өхөөрдөм гоёо-2018” загварын их наадам эхэллээ

Монгол туургатан болох Халимаг, Тува, Буриад, Өвөрмонгол, Дээд Монгол зэрэг Монгол угсаатнуудын дунд “Өхөөрдөм гоёо-2018” Монгол туургатан хүүхэд багачуудын загварын их наадам өчигдөр эхэллээ.Энэхүү анхдугаар их наадам нь энэ сарын 20-22 өдрүүдэд Монголын хүүхдийн ордонд болно.

Наадмын үйл ажиллагааг нээж, Дэлхийн Монгол угсаатны нийгэмлэгийн тэргүүн н.Нямаа “Хүүхдийн инээд цалгиж байдаг энэ сайхан ордонд хүрэлцэн ирсэн Монгол туургатан та бүхэндээ энэ үдшийн мэндийг хүргэе. Монгол туургатан хэчнээн цөөхөн тархан суурьшсан билээ. Монгол туургатны бидний үр үндэс бидний ирээдүйг харуулах, үндэсний өв соёлоо авч үлдэх үйл ажиллагааг халх Монголдоо зохиож байснаас дэлхийн Монгол туургатан болон бүх угсаатнуудаа хамруулахыг зорьсон. “Өхөөрдөм гоёо 2018” наадам төсөл наадам болж зохиогдож байгаа.

Мөн зохиогдсон улс орондоо хүмүүнлэгийн дор нэгдэх уриатай хийгдэж байна. Монгол туургатан дунд шилжин явах тугийнхаа дагуу тухайн зохиогдсон улсдаа заавал эх үрсийн төлөө хүмүүнлэгийн ажлыг санаачлан зохион байгуулах үндэс нь зоригтой юм. Халимаг Тува, Буриад, Өвөрмонголыг төлөөлөн ирсэн хүндэт зочид доо баярлаж талархаж байгаа илэрхийлж байна”гэлээ.

НИТХ-ын бодлого төлөвлөлтийн хариуцсан дарга н.Мөнх-Оргил үг хэллээ. Тэрээр “Та бүхэн энэ оройн мэндийг хүргэе. НИТХ-ын дарга С.Амарсайхан дарга Засгийн газар дээр хуралтай байгаа хүрэлцсэн ирж амжаагүй тул миний бие хүрэлцсэн ирж байна. Ингээд та бүхэндээ НИТХ-ын даргын мэндчилгээг та бүхэндээ уламжилж байна. Эрхэм хүндэт шүүгч дизайнер, эцэг эхчүүд болон загвар өмсөгчид хүүхдүүддээ “ Өхөөрдөм гоёо 2018”Дэлхийн Монгол туургатан хүүхэд багачуудын загварын наадмын үйл ажиллагаанд оролцож байгаа баяртай байна. Монгол хэмээх нэгэн дээвэр дор өнөөдөр Монгол, Халимаг Тува, Буриад, Өвөр монгол угсаатнууд цугларч үндэсний хувцас, гоёо чимэглэлээ олон нийтэд сурталчлах, хүүхдүүд багачууд үндэснийхээ өв соёлоор бахархах, өвлөх зэрэг олон талын ач холбогдолтой. Энэхүү наадмыг зохион байгуулж байгаа. Дэлхийн монгол угсаатны нийгэмлэгт талархал илэрхийлье. НИТХ хүүхэд багачууддаа үндэсний өв сангаа түгээн дэлгэрүүлэх, үндэсний хувцсаа сурталчлах, хувцсаар дамжуулан Монгол туураг таны зан заншил, соёлыг түгээх үйлсэд хамтран оролцож байгаад баяртай байна. Бяцхан хүүхдүүддээ “Өхөөрдөм гоёо 2018” наадмын үйл ажиллагаанд амжилт хүсье” гэв

Уг наадамд хүүхдийн хувцас үйлдвэрлэгч аж ахуй нэгжүүд болон Монгол туургатны 5-15 насны 104 модель оролцож байгаа аж. Энэхүү наадам шагналын сан өндөр бөгөөд шалгарсан хүүхэд багачууд олон улсын нэр хүндтэй уралдаан тэмцээнд оролцох юм байна.