Г.Бямбасүрэн: Э.Эрдэнэжамъян, Уламбаяр нар О.Баасанхүү гишүүний элэг рүү өшиглөж зодсон

Өнөөдөр МАХН дахь УИХ-ын гишүүн О.Баасанхүүгийн талынхан хэвлэлийнхэнд мэдээлэл хийлээ. Энэ үеэр МАХН-ын гишүүн Г.Бямбасүрэн “Дээд шүүхийн хурлын танхимд манай намын дарга нэртэй яваад байгаа нөхдүүд УИХ-ын гишүүн О.Баасанхүү рүү дайрч давшилж, доромжилсон. УИХ-ын гишүүний халдашгүй байдалд халдаж, зодсон ёс зүйгүй үйлдэл болсон. Энэ үйлдлийг манай намынхан жигшин зэвүүцэж байна. Э.Эрдэнэжамъян, Уламбаяр нар О.Баасанхүү гишүүн рүү дайрч давшилж, элэг рүү нь өшиглөж зодсон. Элгэндээ доргилт авсан учраас гадагшаа явж эмчлүүлэх шаардлагатай болсон. Маргааш Солонгос явна” гэв.