Нүүрс тээвэр Хятадын Ганцмод боомтод гацаж, эмх замбараагүй байдал үүсчээ

Ерөнхий сайд У.Хүрэлсүх Гашуунсухайт боомтод өөрийн биеэр очиж, нүүрсний экспортыг нэмэхээр ярилцаж, Засгийн газрын түвшинд тодорхой шийдвэрүүдийг гаргасан. Ингэсний үр дүнд Ганцмодны боомт нэвтрэх гарцаа гурав болгон нэмж, Монголын талаас өдөрт 1,000 машин гарч байна.

Гэвч Хятадын талаас Монгол руу орох урсгал хоёр дахин багасч, өдөрт ойролцоогоор 400- 500 орчим машин орж ирж буй аж. Өөрөөр хэлбэл нүүрсний тээврийн машинууд Ганцмодны боомтод гацжээ.

Харин энэ байдал монгол жолооч нарт хүндээр тусч, эмх замбараагүй байдал үүсээд буй гэнэ. Бүр жолооч нар Хятадын цагдаа нартай маргалдаж, зодоон үүсчээ.

Хятадын тал ямар учраас гарах урсгалыг боогдуулж эхэлсэн талаар тодорхой мэдээлэл алга. Энэ асуудлыг яаралтай шийдэхгүй бол байдал хүндэрч болзошгүй байна.

Эх сурвалж: Б.Учрал /shuud.mn/