“АНГЛИ ХЭЛТЭЙ -ӨМНӨГОВЬ” ХӨТӨЛБӨРИЙН ХҮРЭЭНД ФИЛИППИН УЛСАД ХЭЛНИЙ МЭДЛЭГЭЭ ДЭЭШЛҮҮЛЭХ БОЛОМЖУУДЫГ ТАНИЛЦУУЛАВ
Өмнөговь аймагт иргэдийн гадаад хэлний мэдлэгийг дээшлүүлж, гадаадад туршлага судлуулах “Англи хэлтэй-Өмнөговь”, “Зөгийн үүр” хөтөлбөрүүд 2 дахь жилдээ амжилттай хэрэгжиж байна. Уг хөтөлбөрийн хүрээнд залуусыг Филиппин улсад англи хэл сурах, мэргэжлээ дээшлүүлэх боломжуудын талаар зуучлагч компаниуд танилцуулга хийлээ.
Сургалтад ЕБС-ийн сурагч, төрийн албан хаагч, залуус 200 орчим хүн хамрагдлаа. Тэд гадаадад суралцах боломжуудын танилцуулга сургалтад хамрагдсанаар аймгийн хэмжээнд хэрэгжиж буй “Англи хэлтэй-Өмнөговь”, “Зөгийн үүр” хөтөлбөрүүдийн талаар мэдээлэл авч түүнд хамрагдах боломжуудыг судаллаа. Англи хэлний мэдлэгээ сайжруулж, аймагт хэрэгжүүлж байгаа хөтөлбөрүүдэд хамрагдан гадаадад мэргэжил мэдлэгээ дээшлүүлэх боломж Өмнөговьчуудад нээлттэй байна.
URL:
