Трамптай зургаа авахуулсан анхны монгол хүн бас л Булганых

БСШУС-ын дэд сайд асан Ё.Отгонбаярыг Монгол Улсаас АНУ-д суух Элчин сайдаар томилох шийдвэрийг 2017 оны тавдугаар сарын 25-ны өдрийн УИХ-ын чуулганы нэгдсэн хуралдаанаар эцэслэн баталсан хэдий ч тэрээр Монгол Улсын Ерөнхийлөгч Х.Баттулгаас Итгэмжлэх жуух бичгээ 2018 оны гуравдугаар сарын 23-нд гардаж авсан билээ.
Өчигдөр Элчин сайд Ё.Отгонбаяр Итгэмжлэх жуух бичгээ АНУ-ын Ерөнхийлөгч Дональд Трампад гардуулсан талаар АНУ-д суугаа Монгол Улсын Элчин сайдын яамнаас мэдээлжээ.Түүний Трамптай хамт авахуулсан зургийг харсан хүмүүс: “Трамптай хамт зургаа даруулсан анхны монгол хүн бас л Булганых” гэлцэж байна.