“Оюу толгойн гэрээ” луйвар болсны цаад шалтгаан АВЛИГАЛ юм биш үү!!!!
С. Баярцогт 2008 онд Сангийн сайд болонгуут Швейцарь дахь түүний дансанд 8,2 сая евро буюу 10 сая ам доллартай тэнцэх хэмжээний мөнгө нэрийн дансанд нь шилжин орж ирсэн. Тэрээр “Оюу толгой”-н гэрээг батлахын өмнө “Рио Тинто “гоос 10 сая ам доллар авсан байж болзошгүйг Швейцарийн Ерөнхий прокурор мэдэгдснийг “Ройтерс” агентлаг мэдээллээ.
Прокурорын мэдэгдэлд “Гадаад орны засгийн газрын сайдын албан тушаалд дөнгөж томилогдсон хүн ийм их хэмжээний мөнгө хүлээн авсан нь сэжигтэй байгаа төдийгүй Сангийн сайд байхдаа Баярцогтын гарын үсэг зурсан “Оюу толгой”-н гэрээ Монголын талд хохиролтой байж магадгүй байдал ажиглагдаж байна” гэжээ. Сангийн сайд асан С.Баярцогтыг авлига, хээл хахууль авсан, олон улсын төвшинд мөнгө угаасан гэх хэргээр Швейцарь улсын прокуророос шалгаж буйгаа мэдэгдлээ.
С.Баярцогтын Швейцарийн хэд хэдэн банкинд байрлаж буй 1.85 сая ам.долларын хадгаламж бүхий дансуудыг нь царцаажээ.Царцаасан дансны мэдээлэл дунд “Рио Тинто” компаниас 2008 онд С.Баярцогтод 10 сая ам.доллар шилжүүлж байсан нь ил болжээ. С. Баярцогт 1.85 сая ам долларын үлдэгдэлтэй дансаа сэргээлгэхээр хэд хэдэн удаа оролдсныг ч хэлжээ.
Швейцарийн ерөнхий прокурорын газраас С.Баярцогттой холбогдох хэргийг 2016 оноос шалгаж эхэлсэн бөгөөд дансанд мөнгө шилжсэн үе буюу 2008 оны есдүгээр сар нь түүний Сангийн сайдаар томилогдсон үетэй давхцаж байгааг онцлон тэмдэглэжээ.
Анх олон улсын эрэн сурвалжлах сэтгүүлчдийн нийгэмлэг түүний нэг сая ам долларын дансыг илрүүлэхэд С. Баярцогт: -Найз нартайгаа хамтран бизнес хийх зорилгоор дээрхи дансыг нээсэн.
Хөрөнгө орлогын мэдүүлэгтээ үүнийгээ мартснаас мэдүүлээгүй байсан”гэж тайлбарласан билээ. Харин Ройтерс агентлагийн мэдээлснээс үзвэл уг дансанд ердөө 1 сая ам доллар бус 10 сая ам доллартай тэнцэх хэмжээний гарал үүсэл нь тодорхойгүй мөнгө шилжин орсон байна.Оюу толгойн гэрээ 2009 оны 10 сард батлагдсан.
Яг жилийн өмнө С. Баярцогт Сангийн сайд болж дансанд нь эх үүсвэр тодорхойгүй Монгол мөнгөнд шилжүүлбэл 20 гаруй тэрбум төгрөг орсон гэсэн үг. Оюу толгойн гэрээг батлахын өмнөх жилд Рио Тинто -д зориулж Ашигт малтмалын тухай хууль, Татварын тухай хууль гээд хэд хэдэн хуульд өөрчлөлт оруулсан билээ. Цаад шалтгаан нь энэ биш гэж үү!!!!!
URL:
