ХУУРАМЧ ЗАХИРАМЖААР ГАЗАР ЭЗЭМШИХ ГЭРЧИЛГЭЭ ҮЙЛДСЭНИЙГ ИЛРҮҮЛЭВ
Энэ талаар өнөөдөр Нийслэлийн газрын албаны дарга Э.Болорчулуун албан ёсоор мэдэгдэл хийлээ. Тэрбээр, “Энэ сарын 1-нд Нийслэлийн газрын албаны албан хаагчид ажил үүргээ гүйцэтгэж байх явцдаа хуурамчаар үйлдсэн хоёр гэрчилгээг илрүүлсэн. Нийслэлийн Засаг даргын захирамж, газар эзэмших эрхийн гэрчилгээ, түүнтэй холбоотой бүх бичиг баримтыг хуурамчаар үйлдсэн нь тодорхой байгаа. Үүнийг Эрүүгийн цагдаагийн албаны Эдийн засгийн гэмт хэрэгтэй тэмцэх газраас мөрдөн шалгах ажиллагаа явуулж байна” гэлээ.
Мөн гэмт үйлдлийн мөрдөн шалгах ажиллагаа дуусаагүй, гэм буруутай этгээд тогтоогдоогүй байхад Нийслэлийн Засаг дарга болон нийслэлийн Газрын албаны дарга Э.Болорчулууныг хууль бус газар олгосон, гэм буруутай мэтээр мэдээлсэн www.tac.mn цахим хуудсыг Зөрчлийн тухай хуулийн 6.21-р зүйлд заасны дагуу хуулийн байгууллагад гомдол гаргах болжээ.
URL:
