ГАЛЗУУ өөрчлөлтөө ИЛ ТОД БАЙДАЛ гээд байгаа юм уу?

Эрдсийн баялаг ихтэй дэлхийн 51 улс нэгдэн орсон ОҮИТБС-ын стандартын шаардлагыг хангасан анхны орноор 2017 оны 10 дугаар сард Филиппин улс хүлээн зөвшөөрөгдсөн бол манай улс 2018 оны 2 дугаар сард хоёр дахь  орон боллоо гэх мэдээллийг албаны нөхдүүд хэвлэлийнхэнд өгөөд буй. Тэгвэл хуульч С.Мандахбат  уг мэдээлэлтэй холбоотойгоор анхаарал татсан байр суурийг илэрхийлсэн байна. Тэрээр “Олборлох Салбарын Ил Тод Байдал”-ын бүх стандартыг хангасан Дэлхийн ХОЁР дах орон боллоо гээд л бүх ХЭВЛЭЛ МЭДЭЭЛЭЛ-ийн хэрэгслээр сүржин мэдэгдэл хийх юм. Тэгээд ингэснээр ГАДААДЫН ХӨРӨНГӨ ОРУУЛАЛТ маш их нэмэгдэнэ ч гэх шиг….. БИТГИЙ ХУДЛАА ЯРЬ, Мэдэхгүй бол ядаж дуугүй байж бай!

2010 онд анхны үнэлгээ хийх үеэр энэ асуудлаар Дэлхийд анхны орон болмоор байна, тусдаа хууль батлуулмаар байна гэсэн. Тийм зүйл байхгүй, бид юугаа ил гаргах, гаргахгүйгээ мэддэг тусгаар улс гэж хэлээд хуулийн төсөл нь Хууль зүйн яамнаас хол яваагүй.

2,000 гаруй хайгуулын, 1,000 гаруй ашиглалтын тусгай зөвшөөрөл эзэмшигч компани бүр ” ОРОН НУТАГТАЙ ХАМТРАН АЖИЛЛАХ ГЭРЭЭ” байгуулах ёстой, энэ гэрээний 100 хүрэхгүй нь л ИЛ ТОД байна. Компани бүр аймаг, сумын дарга нартай НУУЦ ХАМТРАН АЖИЛЛАХ ГЭРЭЭ байгуулж байна. 2900 ГЭРЭЭ хаана байна? Хуулийн дагуу ХАНГАН НИЙЛҮҮЛЭГЧЭЭ Монгол компани, ажилтнаа Монгол Хүн авч байна уу гэдэгт ямар ч ИЛ ТОД мэдээлэл алга!

Гэтэл лиценз эзэмшигчдийнхээ цаадахын цаад “эцсийн эзэмшигч” гадаад оронд байгаа хөрөнгө оруулагчдаас 30 ХУВЬ ТАТВАР авна гэж ГАДНЫ ТАТВАРЫН ГАЗРЫН үүргийг МОНГОЛЫН ТАТВАРЫН Байгууллага хийх гэж оролдож байгаа ГАЛЗУУ өөрчлөлтөө ИЛ ТОД БАЙДАЛ гээд байгаа юм уу?

Австрали, Канад, Өмнөд Африк, Чили гэх мэт улсын өмнө ороод ДЭЛХИЙД ХОЁР-т орсоноороо гайхуулаад байгаа юмуу? БАЙР ЭЛЗЭХ-ээр л чухал юм шиг ингэж ХӨӨРӨХөө боль!!! Сая бас баахан “ЕВРОПЫН ХАР ЖАГСААЛТ” гэж юуг нь мэдэхгүй сүржигнэцгээсэн… ай хөөрхий яана даа….

Ажил хийж байгаа хүн заавал САЙН САЙХАН зүйл ярих албагүй, болохгүй байгаа зүйлийг сайн ярьж болгох хэрэгтэй байдаг юм…” гэж байна.

http://www.hunnu.mn/a/89146