Баянхонгор аймгийн Заг сумын экс засаг дарга хахуулийн хэргээр шүүхэд дуудагджээ

Хөдөө орон нутагт үйлдэгдэж байгаа гэмт хэргүүд тэр бүр мэдэгдээд байдаггүй. Тэр ч утгаараа зарим  орон нутгийн удирдлагууд “тархигүй” мэт аашилдаг. Тэдгээрээс зарим нь хээл хахууль авсан хэргээр шүүхийн хаалга татаад байна.

Тухайлбал нь Баянхонгор аймгийн Заг сумын Засаг даргаар ажиллаж байсан Эрдэнэцогтын Мөнхбаяр нь удаа дараа хахууль авсан байх юм. Тодруулбал, Эрдэнэцогтын Мөнхбаяр нь Баянхонгор аймгийн Заг сумын Засаг даргаар ажиллахдаа албан тушаалын байдлаа урвуулан 2013 оны 4 дүгээр сарын 19-ний өдөр 40 тоот захирамж гарган “Биеийн тамир спорт цогцолбор” барьж байгуулах тендерт сонгон шалгараагүй компани болох “Эм Би Эс Эй Си” ХХК-тай шууд гэрээ байгуулж, мөн “Иргэний танхимын барилга, дээврийн засвар, халаалтын засварын ажил гүйцэтгэх” тендерт оролцсон “Эм Би Эс Эй Си” ХХК-ийг үнэлгээний хорооны гишүүд татгалзсан байхад “Эм Би Эс Эй Си” ХХК-тай шууд гэрээ байгуулах эрхийг олгож,

Ц.С-оос 2013 оны 12 дугаар сарын 3-ны өдөр 2.000.000 төгрөг,

 2013 оны 12 дугаар сарын 30-ны өдөр 4.000.000 төгрөг нийт 6.000.000 төгрөгийн хээл хахуулийг 52396….   дугаарын дансаар,

“Баянлүнхайрхан” хоршоотой хийсэн трактор нийлүүлэх гэрээний үлдэгдэл төлбөр болох 4.800.000 төгрөгийг шилжүүлэхгүй 2.000.000 төгрөг өгвөл үлдэгдэл төлбөрийг чинь шилжүүлье гэж хясан боогдуулах замаар 2013 оны 7 дугаар сарын 4-ний өдөр “Баянлүнхайрхан” хоршооны захирал Ц.Бөөс 1.000.000 төгрөгийн хээл хахуулийг Ө.Тгийн хувийн 5239…. тоот дансаар давтан үйлдлээр авсан нь тогтоогджээ.

Тиймээс энэхүү гэмт үйлдэлд нь тул сум дундын эрүүгийн хэргийн анхан шатны шүүхээс түүнд 2002 оны Эрүүгийн хуулийн тусгай ангийн 268 дугаар зүйлийн 268.2-т яллах дүгнэлт үйлдэж ирүүлсэнийг Эрүүгийн хуулийн тусгай ангийн 22.4 дүгээр зүйлийн 5 болгон хөнгөрүүлэн өөрчилж, шүүгдэгч Э.М-ыг хахууль авах гэмт хэрэг үйлдсэн гэм буруутайд тус тус тооцож, Эрүүгийн хуулийн тусгай ангийн 22.4 дүгээр зүйлийн 5 дахь хэсэгт зааснаар нийтийн албанд томилогдох эрхийг нэг жил хасаж, арван мянган нэгжтэй тэнцэх хэмжээний буюу 10.000.000 төгрөгөөр торгох ялаар шийтгэсэн.

Хэргийг шалгах хугацаанд Эрдэнэцогтын Мөнхбаяр нь 7 хоног хоригдсон байдаг. Тиймээс  Эрүүгийн хуулийн 6.10 дугаар зүйлийн 2 дахь хэсэгт зааснаар Э.Мын энэ хэргийн учир цагдан хоригдсон долоо хоногийн нэг хоногийг торгох ялын арван таван нэгжтэй тэнцэх хэмжээний төгрөгөөр тооцож эдлэх ялаас хасаж, Эрүүгийн хуулийн 5.3 дугаар зүйлийн 4 дэх хэсэгт зааснаар Э.М арван мянган нэгжтэй тэнцэх хэмжээний торгох ялыг хоёр жилийн хугацаанд тэнцүү хувааж, хэсэгчлэн төлөхөөр тогтоож, Эрүүгийн хуулийн тусгай ангийн 5.3 дугаар зүйлийн 5 дахь хэсэгт зааснаар Э.М нь торгох ялыг шүүхээс тогтоосон хугацаанд биелүүлээгүй бол шүүх биелэгдээгүй торгох ялыг арван мянган нэгжтэй тэнцэх хэмжээний төгрөгийг нэг хоногоор тооцож, хорих ялаар солихыг мэдэгдэж, Эрүүгийн хэрэг хянан шийдвэрлэх тухай хуулийн 21.5 дугаар зүйлийн 1.1, 36.8 дугаар зүйлийн 1.8 дахь хэсэгт зааснаар Э.Мын эзэмшлийн 000143809 дугаартай Баянхонгор аймгийн Заг сумын 4 дүгээр баг, 10 дугаар гудамжны 31 тоотод байх 993 мкв газрыг битүүмжилсэн мөрдөн байцаагчийн эд хөрөнгө битүүмжлэх тухай тогтоолыг хэвээр үлдээжээ.

Тэгвэл Баянхонгор аймгийн Заг сумын Засаг даргаар ажиллаж байсан Монгол Улсын иргэн, Эрдэнэцогтын Мөнхбаяр нь дээд боловсролтой, нутгийн удирдлага мэргэжилтэй, Алтангадас одонгоор шагнагдаж байсан, 1980 оны 4 дүгээр сарын 7-нд Эрүүгийн хуулийн 69, 213а-д зааснаар 13 жил хорих ял шийтгүүлж байсан нэгэн юм. Тэрбээр шүүх хуралдааны явцад өөрийгөө гэм буруугүй гэдгийг тайлбарласан байдаг.

Хэргийг давж заалдах шатны шүүхээр хэлэлцээд анхан шатны шүүхээр дахин хянан хэлэлцэх нь зүйтэй гэж буцаасан юм.

Энэ бол хөдөө орон нутагт үйлдэгдэж байгаа албан тушаалтантай холбоотой олон хэргийн зөвхөн нэг хэсэг нь. Үүнээс цаана зөндөө хэрэг байгаа.

Бид энэ хэргийг хүн мууг үзэх гэж биш харин  төр, түмнийг төлөөлж буй дарга нар ёс зүйтэй байж, хууль зөрчихгүй байхыг сэрэмжлүүлэх зорилгоор бэлтгэв.

Dorgio.mn