Австрид дэлхийн анхны секс сургууль үүдээ нээнэ

Австрийн олон улсын сексийн сургууль нэртэй нэгэн сургууль Австрийн Вена хотноо үүдээ нээхээр бэлтгэл ажлаа хангаж байна. Энэхүү сургууль дэлхийн анхны секс сургууль болох юм. Энд сексийн тухай мэдэхийг хүссэн бүхнээ сурч болох гэнэ.
Австрийн олон улсын сексийн сургуулийн албан ёсны нээлт ирэх оны нэгдүгээр сарын 8-нд товлогджээ. Австрийн нийслэлээс холгүй орших эртний цайзад сургууль байрлах аж.
Тус сургуулийн сурагчид сексийн тухай онолын мэдлэг авахаас гадна практик мэдлэг ч авах боломжтой ажээ. Эрчүүд, эмэгтэйчүүдийн анатомийн онцлог болон эрт урьдын сексийн түүхээс онолын хэсэгт заах юм байна. Харин практик мэдлэгийн хичээлд сексийн янз бүрийн байрлалыг тусгай мэргэжилтнүүд зааж үзүүлэх гэнэ. Мөн олон тооны видео бичлэг, зураг хичээлдээ ашиглахаар бэлджээ.
Бусад бүх сургуулийн адил энэ сургуульд элсэн ороход сонгон шалгаруултыг нь давах хэрэгтэй юм байна. Мөн курс бүрийг төгсөхдөө заавал шалгалт өгч, тэнцсэн байх учиртай ажээ.
Р.Гэгээ