Ерөнхийлөгч асан Ц.Элбэгдорж “Пёнчан-2018″ Өвлийн Олимп үзэж явна

Монгол улсын Төрийн тэргүүний өндөр сэнтийгээ Х.Баттулгад хүлээлгэн өгснөөсөө хойш Казино тоглож яваад гардуулсан зургаараа гэгээн дүрээ нэг үзүүлсэн Монгол улсын дөрөв дэх Ерөнхийлөгч Ц.Элбэгдорж энэ удаа Өмнөд Солонгос улсад зохион байгуулагдсан ‘Пёнчан-2018’ Өвлийн Олимпийн 23 дахь наадам үзэж, чөлөөт цагаа зөв боловсон өнгөрөөж яваа зургаараа гэгээн дүрээ дахин нэг үзүүллээ. Онцлууштай нь цагаан Олимп үзэж яваа Ц.Элбэгдоржийн энэ удаагийн патиар түүнийг дэмждэг хүмүүсийн талархлыг Сошиал ертөнцөд ихээр хүлээж байгаа нь өмнөх зургаараа шороотой хутгасан түүний нэр төрийг багахан ч атугай сэргээж байгаа дүр зураг харагдаж байна.

Монгол улсын дөрөв дэх Ерөнхийлөгч Ц.Элбэгдорж АНУ-ын Лос Анжелес хотын казинод тоглож явахдаа гэрэл цохиулсан нэгэн зураг  цахимд цацагдаж хорин өдрийн өмнө томоохон шүүмжлэлийн бай болж сөрөг сэтгэгдэл хүртсэн. Тухайн үед түүнийг ажлаа өгөөд алжаалаа тайлан явж байна гэж харахаасаа илүүтэй МАНАН бүлэглэлтэй үгсэн хуйвалдаж төрөөс зувчуулсан мөнгөөрөө зугаацаж явна гэх шүүмжлэлийг иргэдийн зүгээс нийтлэгээр илэрхийлсэн юм.