ЕРӨНХИЙ САЙДЫН ЗАХИРАМЖ ҮНДСЭН ХУУЛЬ ЗӨРЧСӨН ЭСЭХИЙГ ХЭЛЭЛЦЭНЭ

Монгол Улсын Ерөнхий сайд 2016 оны долдугаар сарын 20-ны өдрийн 12 дугаар захирамжаар Хөвсгөл аймгийн Засаг даргаар Л.Ганболдыг томилсон билээ.

Тэгвэл Засаг даргаар нэр дэвшигч нь төрийн албанд гурваас доошгүй жил ажилласан байх гэсэн засаг захиргаа, нутаг дэвсгэрийн нэгж, түүний удирдлагын тухай хуулийн шаардлагыг хангаагүй байхад түүнийг Засаг даргаар томилсон нь Үндсэн хуулийн холбогдох заалтыг  зөрчсөн эсэхийг тогтоолгохоор нэр бүхий иргэн Цэцэд мэдээлэл ирүүлжээ.

Мэдээллийн дагуу үүсгэсэн маргааныг хянан хэлэлцэх Үндсэн хуулийн цэцийн дунд суудлын хуралдааныг 2018 оны гуравдугаар сарын 2-ны өдөр хийхээр товлоод байна гэж Үндсэн хуулийн цэцийн хэвлэл, мэдээллийн төлөөлөгч мэдээлэв.