Сэргээшийн шинжилгээнд 5 бөх өвдөг шороодлоо

Монгол бөхийн эргэн тойронд үеийн үед маргаан дагуулдаг нэг сэдэв бол сэргээштэй холбоотой дуусдаггүй яриа билээ. Жил бүрийн наадам, томоохон барилдааны дараа тэр бөх сэргээш хэрэглэсэн гэнэ, энэ бөх тариа тариулсан гэнэ гэх мэт яриа тасралтгүй хөвөрдөг. Ийм ч учраас Монголын үндэсний бөхийн холбоо болон допингийн эсрэг үндэсний төв хамтран жилийн өмнөөс “допинггүй монгол бөхийн төлөө” зорилтот ажлыг хэрэгжүүлж байгаа.

Уг ажлын хүрээнд заал танхимын томоохон барилдаануудад санамсаргүй байдлаар бөхчүүдээс сэргээшийн шинжилгээ авч байгаа аж. Гэнэтийн ийм шалгалтад өнгөрөгч 2017 онд хамрагдсан 30 гаруй бөхөөс тав нь уг шинжилгээнд бүдэрсэн таагүй мэдээ гарлаа. Одоохондоо уг бөхчүүдийн нэрийг олон нийтэд ил болгоогүй байгаа. Гэвч МҮБХ-оос удахгүй эдгээр бөхчүүдийг ил болгоно гэв.

Б.Энх-Амгалан

http://www.shuud.mn/a/494170