АМ АЛДВАЛ БАРЬЖ БОЛДОГГҮЙ ЮМ Б.БАТ-ӨЛЗИЙ ХАРЦАГА,АА

Энэ жилийн Цагаан сарын баярт зориулсан хүчит бөхийн барилдаанд түрүүлсэн харцага Б.Бат-Өлзий манай өсөх ирээдүйтэй сайн бөхчүүдийн нэг яах аргагүй мөн. Тэрбээр Сар шинийн баярт зориулсан барилдаанд түрүүлснийхээ дараа “…төрийн наадмын түрүү бөх Ховдоос тодрох мөч ойрхон байгаа гэдэгт итгэлтэй байна. Энэ эрчээрээ төрийн наадамдаа түрүүлж, арслан, аварга болох зорилго тавьсан” хэмээн ам гарчээ. Төрийн баяр наадмын барилдаан, цэнгэлдэх хүрээлэнгийн дэвжээ бол баргийн аавын хүүгийн ам гардаг зүйл биш ч гэлээ залуу харцага маань эрдэнгүй ам гарчээ. Тэгэхээр эртэй залуу харцага маань “Ам алдвал барьж болдоггүй” учраас түрүүлэх шаардлага зүй ёсоор тулгарч байна. Одоо яахав ээ, “ам алдвал барьж болдоггүй” юм даа Б.Бат-Өлзий харцага,аа. Хамгийн багадаа 512 хүчтэн хүч үзэнэ гэхээр ам гарах ч арай л эртэдсэн болов уу. Тэр тусмаа бөх хүн ам гарна гэдэг амаргүй л дээ.