ОРОСТ ЗОРЧИГЧ ТЭЭВРИЙН НИСЭХ ОНГОЦ ОСОЛДСОНЫ УЛМААС 71 ХҮН АМИА АЛДАВ

МОСКВА. /ТАСС/. Өнөөдөр Москва хотоос хөөрсөн зорчигч тээврийн нисэх онгоц осолдсоны улмаас онгоцонд сууж явсан 71 хүн бүгд амиа алдсан тухай ОХУ-ын Онцгой байдлын яам мэдэгдэв.

“ТАСС” агентлагийн мэдээлснээр, 65 зорчигч, нисэх багийн зургаан гишүүн бүхий “Антонов-148” нисэх онгоц Москвагийн Домодедово нисэх онгоцны буудлаас Оросын баруун нутгийн Оренбург мужийн Орск хот руу явж байгаад осолдсон байна.

Оросын Онцгой байдлын яамны албаны хүн мэдэгдэхдээ “Домодедово нисэх онгоцны буудлаас 14:21  цагт хөөрсөн “Антонов-148” нисэх онгоц Москва хотоос зүүн өмнөд зүгт 80 км зайтай орших Аргуново тосгоны ойролцоо осолдлоо. Харамсалтай нь, зорчигчид болон нисэх багийн гишүүд бүгд амиа алдсан байна” гэжээ.

Оросын Мөрдөн шалгах хорооныхон ослын шалтгааныг тогтоохоор ажиллаж эхэлсэн байна.

Г.Доржханд

МОНЦАМЭ