11 машин мөргөсөн жолоочийн согтуурлын зэрэг 2 бүхэл байжээ

Өчигдөр 16.40 цагийн үед Сүхбаатар дүүрэг, Хүүхдийн ордны хойд замд Lexus маркийн автомашин 11 машиныг мөргөсөн хэрэг гарсан.

Тодруулбал, уг автомашины жолооч А нь LandCriuser, Axio, 5 Prius, Carina, Forester, 2 Crown автомашинуудтай мөргөлдсөн байна.

Жолооч 40 орчим насны эмэгтэй А нь согтууруулах ундааны зүйл хэрэглэсэн үедээ тээврийн хэрэгсэл жолоодсон бөгөөд үлээлгэхэд 2.07 гарчээ.  Уг хэргийг Замын цагдаагийн албанаас шалгаж байна.

Өчигдөр Замын цагдаагийн албанд нийт 319 дуудлага, мэдээ мэдээлэл хүлээн авснаас зам тээврийн ослын 236 дуудлага бүртгэгдсэн бөгөөд осол хэргийн улмаас 9 хүн гэмтэж бэртжээ.

Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 21 жолоочийг илрүүлэн саатуулсан байна.