Монгол Улсын Ерөнхийлөгч “М-Си-Эс” группийг хэрхэн дүгнэдэг вэ?

1993 онд эрчим хүчний зөвлөгөө өгөх чиглэлээр байгуулагдсан “М-Си-Эс” групп өнөөдөр нийт хөрөнгийн хэмжээ, ажиллагсдын тоо, татвар төлөлтөөрөө улсдаа тэргүүлэх аж ахуйн нэгж болжээ. Үүнийг үгүйсгэх аргагүй. Гэхдээ Улаанбаатар хотын хамгийн өндөр зэрэглэлийн газруудыг үл мэдэгдэх арга замаар авч, барилга барьдаг, “Спирт Бал Бурам”, “Гоёо” компаниудыг хувьчилж авсан, “Unitel”, “Univision” зэрэг ихэвчлэн төрөөс олгодог тусгай зөвшөөрөл бүхий бизнесээр голлох орлогоо олдог, хэт их улс төрийн үйл ажиллагаанд оролцдог, Тавантолгойн ордын Ухаа Худаг хэсгийг эзэмшдэг гэх мэт шүүмжлэл ч байдаг нь нууц биш.

Юутай ч Монголын бүх ард түмний дийлэнхи олонхийн дэмжлэгийг авсан, Монгол Улсын Ерөнхийлөгч-Төрийн тэргүүн уг аж ахуйн нэгжийг юу гэж дүгнэдэг вэ? гэдгийг хэвлэлийн хуудас сөхөн дахин нэг харцгаая.

Sonin.mn

***

Би улс төрд ороогүй бол бас л нэг Оджаргал шиг юм яриад л, тэрийг ч авчих юмсан, энийг ч авчих юмсан гээд яриад явж байх л байх. Оджаргал миний оронд төрд ороод сайд болоод явсан бол бас 3 сая хүний төлөө болчихоод энийг бол арай авч болохгүй юм байна, энийг бол тэгж болохгүй юм байна аа гэсэн ойлголттой ч болсон байх юм болов уу гэж би дотроо боддог л доо. / “100 чухал сэдэв нэвтрүүлэг: Тавантолгой” 2015 он/

Сая Тавантолгойн тендер гэж зарлагдаад ярихад Шинхуа гэж Хятадын төрийн өмчит компани шдээ. MCS гэдэг компанитай л ажиллана, өөр компанитай ажиллахгүй ээ гээд бараг зүсэлж орж ирж байгаа байхгүй юу. Монголын төр энэ компанитай ажиллаа гэж хэлэх эрхгүй болчихсон. MCS-г зүсэлдэг, нөгөөдүүл нь мөргөж, за MCS-г авлаа гэдэг.

/“100 чухал сэдэв нэвтрүүлэг: Тавантолгой” 2015 он/

MMC орж ирэхээс өмнө “Эрдэнэс Тавантолгой” явж байсан байхгүй юу. Тэрийг нь болиулчихаж байгаа юм. “Эрдэнэс Тавантолгой” энэ тендерийг аваад “Шинхуа”-тай хэлэлцээр хийгээд явж байсан. Тэгэнгүүт нэг өдөр дээрээс нь утасдаад л болиулаад л оруулаад ирсэн. Одоо бүр сүүлдээ өрсөлдөж байгаа компаниа буюу улсын том “Тавантолгой”-н эзнээ хүртэл шоронд аваачаад хийчихлээ шд. /“100 чухал сэдэв нэвтрүүлэг: Тавантолгой” 2015 он/

Хэрэв MCS гэдэг компани “Шинхуа”-тай нийлээд энэ том орд (Тавантолгойн нүүрсний орд)-г авдаг юм бол дараа дараагийн хүмүүс нь барьцаад ороод ирнэ шд. MCS-д өгсөн юм бол та нар УИХ-ын шийдвэр гаргахдаа яаж яасан юм, хэдийг өгсөн юм гэдэг утгаар нь яваад, барьцаад л ороод ирнэ. /“100 чухал сэдэв нэвтрүүлэг: Тавантолгой” 2015 он /

Оджаргалын хувьд бол бид нар Баянхонгорынх гэж явдаг юм. Оджаргал бол бизнесмен хүн, сайн бизнесмен хүн байхгүй юу. Бизнесмен хүнд нэг л зорилго, нэг л уриа байдаг. Өглөө босоод уншина, унтахдаа уншина. Ашигтай л ажиллах. Оджаргалыг урдаа тавьчихаад баахан улс төрчид бизнес хийлгээд байна шд. Оджаргалыг өөрийг нь шаварт унагаж байгаа байхгүй юу. Улстөрчид нь гарч ирэхгүй шд. Тэгэхээр улстөрчид ингээд Оджаргалыг маш удаан хугацаагаар ашиглаад яваад байгаа байхгүй юу. Оджаргал бол энэ улстөрчдийн хувьд бол шилэгдсэн хүн нь болчихоод байна л даа.(“100 чухал сэдэв нэвтрүүлэг: Тавантолгой” 2015 он)

Зарим нэг хүмүүс таныг их шуналтай хүн, хувь нэхэж шантаажлаад, өгөхгүй болохоор нь ухаа худагийг шантаажлаад, 6 жил бариад суугаад байна гэнэ?

-Тэрийгээ нотлох л хэрэгтэй. Би бол үгүй л гэж хэлнэ. Тэгвэл Оджаргалаас л хувь авчихна шд. Надад хувь амлаж л байсан. /”Хар хайрцаг” нэвтрүүлэг, Монгол HD TV,  2014 он/

Өнөөдөр байгаа сайд нарын тал нь MCS гэдэг компаний барьсан байшинд нь гүйгээд орчихсон байна. Мөнгөө төлсөн л гэдэг юм. Би энийг шалгах ёстой хүн нь биш. Энэ байдлыг мэдээлж, ярих нь миний иргэний үүрэг гэх юм уу даа.

/”Цаг үе үзэл бодол” нэвтрүүлэг, МҮОНРТелевиз, 2012 он 03 сар 20 өдөр/

Дахиад л нөгөө MCS-ээ ярих гэж байна л даа. Хэвлэл мэдээллийнхэнтэй хийдэг гэрээ гэж байгаа юм. Хамтран ажиллах гэрээ гэж. Энэ дотроо бид нар бол та нарт мөнгө өглөө шүү. Хэрэв манайхныг, манай дарга нарыг, бүр нэрээр нь байж байгаа. MCS группийн дуудсан газарт, тохирсон цагт ирж, мэдээ сурвалжлага авна. MCS группийн ерөнхий удирдлага Оджаргал, Од нарыг болон шинээр үүсэх бизнесийн салбарын бүтээгдэхүүний талаар аливаа сөрөг мэдээлэл нэвтрүүлэхгүй байх үүрэг хүлээнэ. Хэрэв нэвтрүүлбэл муугаар ярихад торгууль төлнө, мөнгөө авна гээд барьчихдаг байхгүй юу. /”Цаг үе үзэл бодол” нэвтрүүлэг, МҮОНРТелевиз, 2012он 03 сар 20 өдөр/

Засгийн газрын ихэнх сайд нарыг кармандаа хийчихсэн, өөрсдөдөө зориулсан бодлого зөвхөн компанидаа гаргаад байхаар улсын ажил хүссэн хүсээгүй л арагшаа суугаад байх шиг байна./”Монгол Тулгатны 100 эрхэм” нэвтрүүлэг 2012 он/

Ганц хоёрхон компанийн эрх ашиг энэ засаг дээр бол үнэн том явж байгаа. Ерөөсөө л тэр компанийн ажил эхлээд явна, дараа нь Засгийн ажил явна гэж. Ийм юман дээр л лобби орчихсон юм шиг байгаа юм.

/ “Монгол Тулгатны 100 эрхэм” нэвтрүүлэг 2012 он/

Хүмүүс бухимдаад, сайд болчихоод битгий нэг компанийг яриад бай гээд байдаг юм л даа. Гэхдээ ярихгүй бол арай болохгүй болчихоод байна. /”Цензургүй яриа” нэвтрүүлэг, 2012 он 12 сар/

Яахав дээ, тендер дээр л боссон компани шдээ. Одоо бол бусад орнуудад жишээ нь нүүрсний уурхайтай юм уу, том компани бол бусад тендерт орох эрхийг нь хаах ёстой юм байна. Одоо эд нар чинь яаж байна гэхээр тэр байтугай сурагчийн ширээ, сандлын тендерийг хүртэл очоод хусчихдаг байхгүй юу. Тэгээд л тэр салбар нь босдоггүй гэдэг ч юм уу. / “Цензургүй яриа” нэвтрүүлэг, 2012 он 12 сар/

MCS бол Үндэсний компани! гэж хэлэх хүмүүс хэрүүл хийх ээлжээ хүлээж байгаа байх. Би тэр хүмүүст яаран өмөөрөх гээд байгаа компанийхаа танилцуулгыг ахин дахин унш гэж зөвлөе. Энэ компанийн голлох хөрөнгө оруулалт “Kерри групп” гэх БНХАУ-ын засаг захиргааны тусгай бүс, Хонгконгт төвтэй аварга корпорациас хийгдсэн болохыг одоо монгол хүн бүхэн мэдэх болжээ. Ухаа худгаас уруудаад Централ тауэр, Шангри ла, MCS кока кола гээд бараг бүх компанид нь Хятадын эзэмшил бий. Үүн дээр MCS-ийн оролцоотой ММС гэж Ухаа худгийн ордыг эзэмшиж байгаа мөн “Kерри групп”-ийн эзэмшлийн компани БНХАУ-ын төрийн өмчит “Шенхуа энержи” хэмээх аварга компанитай хавсран ард түмний эзэмшилд байгаа том Тавантолгойг гартаа оруулах гэрээ хийхээр удаа дараа оролдож ирснийг сана!

Мэдээж хэрэг бизнест гадны хөрөнгө оруулалт байх л зүйл. Харин хөрөнгө оруулагч тал Монголын дотоод улс төрд гар хуруугаа дүрээд зохицуулаад эхлэж байгаа бол энэ ТҮГШҮҮР!

(“Хятадын хөрөнгө оруулалттай компани монголын сонгуулийг шийдэж байна” нийтлэл 2016 он 7 сар)

Өнгөрсөн жилүүдэд гучин гэр бүлийн хяналт дарангуйлалд байсан Монгол төрийн иргэдийнхээ элбэг хангалуун амьдрах хүсэл тэмүүллийг нэг удаагийн хавтгайруулж аргацаасан энэ мэт халамжийн бодлогоор удаа дараа дарж, өр зээлд ээрэгдсэн өнөөгийн түвшинд нь барьж ирсэн бодлогыг бүрэн халах цаг болсон гэж үзэж байна.

( УИХ-ын чуулганы хуралдаан, 2017 он 10 сар)

Архиа аргалж, хуурч, хууль зөрчин байж зарахыгаа “алсын хараатай амьдарч байна” гэж үздэг хүмүүст ашигт малтмалаар ард түмнээ тэжээх алсын хараа дутна.

( “Архи зарах нь алсын хараа биш” нийтлэл, 2007 оны 8 сар)