Энэтхэгчүүд “АГНИ-5” баллистик пуужинг амжилттай туршлаа

Энэтхэг улс “Агни-5” тив алгасагч баллистик пуужингаа дахин амжилттай туршлаа. Энэ талаар тус улсын Батлан хамгаалахын сайд Нирмалы Ситараман мэдэгдсэн байна.

Тэрбээр “Бид цөмийн цэнэгт хошуу зөөвөрлөх чадвартай Agni-V пуужингаа өнөөдөр амжилттай хөөргөлөө” хэмээсэн байна. Пуужинг тус улсын зүүн хэсэгт орших Одиш мужийн эргээс холгүйхэн орших Абдул-Калам арал дээрээс хөөргөсөн байна.

Энэ бол амжилттай болсон тав дахь туршилт юм. Хатуу түлшээр ажилладаг, гурван шатлалт энэхүү пуужин нь нэг тонн жинтэй цөмийн цэнэгт хошуу зөөвөрлөж, тойрог замд гаргах хүчин чадалтай. Энэхүү пуужинг гаргахад Энэтхэг улс 480 сая ам.доллар зарцуулсан юм.