Ховдыг самарч буй хорчид хэн бэ

Ховдын хязгаарт засгийн ажил гацаанд орж, төрийн алба ганхаж байна. Үүний учир нь Ховдын учиртай  гурав гэгдэх албан тушаал, эрх мэдэл, мөнгөний бүлэглэлийн даварсан үйлдлүүд гаарсных. Тэд хэн хэн бэ. Учиртай гурвын нэг нь М.Ганзориг. Тэрээр Ховд аймгийн ИТХ-ын төлөөлөгч болонгуут бүлгийн даргаар өөрийгөө өргөмжилжээ. М.Ганзориг Ховдын бүх тендерийг хамдаг бөгөөд УИХ-ын гишүүн С.Бямбацогтын нагац ах, түүний охин компаниудынх нь захирал ажээ.

Дараагийн учиртай толгой нь аймгийн Засаг даргад өрсөлдөөд ялагдсан, С.Бямбацогт гишүүний ангижав, бизнесийн хамтрагч Б.Дүгэржав. Гурав дахь толгой бол мөн л С.Бямбацогт гишүүний бизнесийн хамтрагч, ангижав нь болох Т.Жаргалсайхан. Тэрээр Ховд аймгийн Засаг даргад өрсөлдөөд мөн унасан нэгэн аж.

М.Ганзориг, Б.Дүгэржав,Т.Жаргалсайхан нар 2014 оны Намын даргын сонгууль болон 2016 оны орон нутгийн сонгуулийн дараагаас гишүүн найзтайгаа тохирсон мөрөөдөл нь биелээгүйн улмаас нам дотороо сөрөг хүчин болж ажилласан байна. Унасан бөх ууртай гэдэг шиг аливаа албан тушаал, эрх мэдэлд очих гээд санаархал нь бүтээгүйд хорсч, хор найруулж, төр захиргааны ажлыг гацааж, самарч яваа энэ гурвыг даган дэмждэг гурван нөлөө бүхий этгээд бас бий гэнэ. Тэд болХовд аймгийн ИТХ-ын даргаар сонгогдон ажилласан ч оны өмнөхөн огцорсон, одоо болтол тамгаа өгөлгүй зугтаж буй Г.Пүрэвганди, Төрийн банкны захирал бөгөөдУИХ-д нэр  дэвшиж байсан Б.Очбадрахын менежерээр ажиллажнэр дэвшигчээ сонгуульд унагасан А.Батмөнх, Ховд аймгийн Иргэний бүртгэл, мэдээллийн хэлтсийн дарга Д.Энхболд нар аж. А.Батмөнх саяхан ажлаасаа халагдсан ч С.Бямбацогт гишүүний дэмжлэгтэйгээр дахин томилогдсон байна. Д.Энхболд нь мөн Б.Очбадрахын сонгуулийн менежерээр ажиллаж байсан бөгөөд нэр дэвшигчээ сонгуульд ялагдуулсны буруугаа бусад руу чихэж орхисон гэдэг. Аль намын үед даргын суудлаас зууралдаж үлддэг зальжин нэгэн ажээ.

Дээр дурдсан хүмүүсийг Ховдын учиртай зургаан толгой гэж нэрлэх болжээ.

Тэднийг дээрээс нь удирдаж гол хорыг найруулагч хоёр Хоролмаа нь УИХ гишүүн С.Бямбацогт, УИХ-д өрсөлдөөд унасан Б.Очбадрах наргэнэ. Тэдсаяхан хуралдсан МАН-ын Их хуралд төлөөлөгчөөр сонгогдон очсон боловч зарим нь 2-3 хоног архидан согтуураад хуралдаа суугаагүй, ялангуяа намын дарга нарыг сонгох сонгуульд сурсан зангаараагишүүнийхээ удирдлагаар намынхаа бодлогын эсрэг ажиллаж, баахан мөнгө зарж байгаад эцэстээ амжилт ололгүй ууртай уцаартай буцсан байна.

Тэд Ховддоо очингуутаа аймгийн намын хорооны хурлыг албан бусаар хуралдуулж бужигнуулан, намаа хоёр хуваажээ. Түүнчлэн зарим нэг албан тушаалд дуртай хүмүүс, тухайлбал С.Бямбацогт гишүүний бие төлөөлөгч С.Гантөмөрийг аймгийн Намын хорооны орон тооны дэд дарга, намын даргын үүрэг гүйцэтгэгчээр дүрмийн бусаар томилж сар гаруй жүжиг тоглосныг нь оны өмнөхөн МАН-ын Хяналтын ерөнхий хороо хуралдан хэлэлцээд дүрэм зөрчсөн, мөн аймгийн намын хорооны 4-р хуралдаан 2016 оны тавдугаар сарын 8-нд хуралдаж УИХ, аймгийн ИТХ-д нэр дэвшигчдээ дэвшүүлсэн хуралдаан хийсэн. Гэтэл 2017 оны 11-р сарын 30-нд дахин 4-р хуралдаан хийсэн нь хүчин төгөлдөр бус хурал болсон байна гэсэн дүгнэлт гаргасан байна.

Энэ нөхөд 2016 оны нэгдүгээр сарын сүүлээр бас ийм хурал хийж намын Хяналтын хороо хүчингүй болгож байсан ч хашрахгүй хуучнаараа өөрийн талын хэдэн хүнийг голчлон мөнгөөр цуглуулж, хоол унд, бензин шатахуун өгч хуйвалдааны Намын хурал хийсэн нь хоёр дахь удаагаа ичгүүртэйгээр хүчингүй болж намын гишүүддээ хэлэх үггүй, харах нүүргүй болжээ.

Гэтэл УИХ-ын гишүүн С.Бямбацогтын бие төлөөлөгч, саяхан болсон хуурамч хуралдаанаар намын хорооны орон тооны дэд даргаар томилогдсон С.Гантөмөр “МАН-ын Хяналтын ерөнхий хорооны дүгнэлт худлаа, үндэслэлгүй гаргасан, хуурамч дүгнэлт.Би дэд дарга хэвээрээ байгаа”хэмээн намын нөхөддөө ярьж яваад ичгүүртэй байдалд ч орсон гэдэг. С.Бямбацогтын дасгалжуулж байгаа учиртй 6  толгой ядаж хэд дэх удаагийнхаа хурлыг хийж байгаагаа мэдэж байж, бодож байж хурлаа хиймээрсэн дээ хөөрхийс минь. Эд нараас айгаад гэх үү, хаалтын гэрээтэй гэх үү орон нутгийн хэвлэл мэдээлэл огт хөдлөхгүй, нам жим байсаар байгаа гэнэ.

Сүүлийн үеийн гол үйл явдал ИТХ-ын дарга асан Г.Пүрэвганди 12-р сарын 06-нд нууц санал хураалтаар 59,4 хувиар огцорч тооллогын комиссын тогтоол батлагдсан байхад Хурлын тогтоолыг батлуулалгүй тэр дор нь бүлэг завсарсарлага авлаа гэж гараад хуралдаа дахиж орж ирээгүйгээс Ховдын ИТХ сарын турш сул зогсч байгаа явдал. Тухайн үедхурал даргалагч Т.Жаргалсайхан, Бүлгийн дэд дарга боловч Бүлгийн дарга гэж өөрийгөө цоллогч М.Ганзориг, Б.Дүгэржав нар АН-ын бүлгийн дарга удирдлага болох 3-5 хамтрагчдын хамт ИТХ-ын хурлаас завсарлага авах нэрээр зугтсан ажээ.

Энэ хугацаанд аймгийн ИТХ-ын даргыг олонхиор буюу аймгийн нийт 41 төлөөлөгчөөс МАН-ын 14, АН-ын 8 төлөөлөгч нийт 22 буюу 53,6 хувь нь цуглаж 100 хувийн саналаар Б.Амгаланбадрахыг аймгийн ИТХ-ын даргаар 12-р сарын 22 нд сонгожээ. Тэргүүлэгчдийг ч бас шинээр сонгосон байна. Үүнд нийт 11 тэргүүлэгчийг 6/5 харьцаатай шинээр сонгож баталсан боловч олонхийн шийдвэрийг одоо болтол тогтоол болгож албан баланк дээр хэвлэж гаргаж өгөхгүй, шинээр сонгогдсон даргын ажлыг хүлээлцэхгүй, Хурлын ажлын алба гацааж, нөгөө талдаа төрийн алба улс төржсөөр байгаа ажээ. Аймгийн ИТХ-ын Хурлын н/б дарга Б.Сандагсүрэн “Хурлын хуучин дарга Г.Пүрэвганди албан баланк хуудсыг хурааж аваад өгөхгүй байна” гэдэг шалтаг хэлэн төрийн ажлыг гацаагаад сууж байгаа гэнэ. Одоо аймгийн Хурлын бүх ажил гацсан, ажилтнууд нь бүтэн сар ажлаа тодорхой хийсэнгүй, тэгсэн мөртлөө Шинэ жил тэмдэглэж цалингаа авч машинуудаа унаж давхисаар, хоёр даргын ажлыг хүлээлцүүлье гэхээр хаалгаа түгжээд, зарим нь гараад алга болчихдог, эсвэл бие биерүүгээ тэр мэднэ, энэ мэднэ гээд суучихдаг ийм байдалтай байгаа юм байна.

Огцорчихоод тамгаа өгөлгүй зугтаж яваа Г.Пүрэвганди энэ хугацаанд аймгийн ИТХ-ыг самарсан шигээ Буянт сумын ИТХ-ыг мөн самарч сумын ИТХ-ын дарга, Засаг дарга нарыг огцруулах ажиллагаанд идэвхтэй оролцсон байна. Эцсийн эцэст энэ бүхний зорилго зангилаа нь юу вэ гэхээр Ховд аймгийн бүх тендерийг өмнө нь авсаар ирсэн цаашдаа ч мөнхийн авч байх гэсэн цөөн хэдэн компанийн эзэд, тэдний цаад нууц ноёнтны шунал, өөрийн гар хөл болсон хэн нэгнээр аймгийг улирдуулж хүүхэлдэй болгон тоглуулж, эрх ашгаа гүйцэлдүүлж байх гэсэн явцуу жижиг эрх ашиг л харагдаж байгаа юм.

Ardchilal.mn