16 МЯНГАН АМ.ДОЛЛАРЫН БӨГЖ ХАЙЖ 13 ТОНН ХОГ УХЖЭЭ

Хятадын нэгэн эмэгтэй 16,500 ам.долларын үнэтэй бөгжийг нь 13 тонн хогон дундаас хайж олж өгсөн хог хаягдлын менежментийн компанийн ажилчдад талархаад барахгүй байгаа гэнэ.

Бүсгүй 110,000 юань буюу ойролцоогоор 16,500 ам.долларын үнэтэй бөгжөө гэрээ цэвэрлэж байхдаа санамсаргүй хогийн сав руу хаячихжээ. Гэвч бөгжөө хайгаад олоогүй бүсгүй цагийг нь олж орон нутгийнхаа хог цэвэрлэгээний хэлтэс рүү утсаар ярьжээ. Түүнийг очиход хог ачиж явахад бэлэн болсон байжээ.

Бүсгүйн гуйлтын дагуу хог цэвэрлэгээний хэлтсийн найман ажилтан 13 тонн хог хаягдлыг ялгаж, хоёр цаг хайсны эцэст үнэтэй цайтай бөгжийг олж өгсөн байна.

Орон нутгийн хог цэвэрлэгээний хэлтсийн ажилчдын тусч занд талархсан бүсгүй “Тэдний сайхан сэтгэлийг юутай ч харьцуулахын аргагүй” гэжээ.