“МОНГОЛ ХҮНИЙ АРХИ” ГЭДЭГ АРХИ ГАРГАЖ, МОНГОЛ ХҮНИЙ ЗУРГИЙГ ЗӨВШӨӨРӨЛГҮЙ АШИГЛАЖЭЭ

Өвөр Монголын Ар хорчинд хятадууд “Монгол хүний архи” гэсэн нэртэй хоёр ч зүйлийн архийг шинээр гарган худалдаалж байна. Үүнд олон хүн дургүйцэж байна. “Монгол хүн архичин гэсэн үг юм уу?”, “Монгол хүн ийм нэг хөгийн юмыг идээний дээж гэж хүндэтгэх үү?”, “Монголчуудыг архидан согтуурч хорд гэж уриалж байгаа юм уу” гэж дургүйцсээр.

Ялангуяа Шилийн голын урлагийн ажилтан Жаргал бүхнээс илүү дургүйцжээ. Морин хуураар хөгжимдөн нэрд гарсан Жаргалын зургийг өөрт нь огт мэдэгдэлгүйгээр, хоёр зүйлийн архины нэгийнх нь шошгон дээр хэвлэж худалдаалан, ашиг хонжоо олж байна.

Хөгжимчин Жаргал үүнд асар их бухимдаж, үүнийгээ янз бүрээр илэрхийлж байсан бөгөөд, зарга хийхээр бэлтгэж байна.