Адел X Factor-ын хаалтад ирнэ

Попын агуу дуучин гэгдэх болсон дуучин Аделийн хоолойн мэс заслаас хойш анх удаа олны өмнө X Factor шоуны финалын шалгаруулалтан дээр гарч ирэх аж.

Арванхоёрдугаар сарын 11-нд болох тус шоуны шилдгийг шалгаруулах тоглолтын үеэр дуучин очих юм байна.

Харин дараа нь тэрбээр анхныхаа телевизийн ярилцлагад оролцохоор төлөвлөж байгаа гэнэ. Тэрбээр өнгөрөгч сард хоолойн хөвчиндөө гэмтэл авсны улмаас Их Британи, Америкийн шоунд оролцох болоод бүх тоглолтын хуваариа цуцлахаас аргагүй байдалд хүрсэн байжээ.

Өнгөрсөн долоо хоногт тэрбээр өөрийн блогтоо “Маш сайн илааршиж байгаа. Намайг дэмжиж байгаа хүмүүстээ баярлалаа” гэсэн байжээ.

Б.Зол