ЗУРХАЙ: Үс шинээр үргээлгэх буюу засуулахад тохиромжгүй

Өнөөдөр аргын тооллын 2017 оны аравнэгдүгээр сарын 16. Пүрэв гараг. Билгийн тооллын XVII жарны “Алтан унжлагат” хэмээгч Гал тахиа жилийн Намрын адаг цагаан нохой сарын 28. Бархасвадь гараг. Тэргүүн дагуул одтой, зургаан цагаан мэнгэтэй, улаагчин хонь өдөр.

                          Барилдлага: Хотол чуулган 
Шүтэн барилдлага: Төрөхүй   
Суудал: Огторгуй         

Өдрийн наран 8 цаг 06 минутад мандан, 17 цаг 17 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнес эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, угаал үйлдэх, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

* * *ӨРНИЙН ЗУРХАЙ * * *

ХОНЬ (3/21-4/19)

Энэ өдөр сорилт туршилт тулгарах боловч та нэр төртэйгөөр даван туулна. Зуучлалын үйл ажиллагаа эрхэлдэг хонинууд өнөөдөр ашиг олно. Материаллаг асуудлууд, аливаа зөрчлүүд онцгой хялбар шийдэгдэнэ. Өнөөдрийн амьдралын туршилт сул дорой нэгнийг сулруулж, хүчтэй нэгнийг улам эрч хүчтэй болгоно.

ҮХЭР (4/20-5/20)

Өнөөдөр та ууртай зожиг байна. Бага юмнаас болж уурлах, сандрах ба тиймээс та хүмүүстэй уулзахгүй байвал зүйтэй. Бусдыг ойлгож хичээвэл өөрийгөө нээхэд тохиромжтой өдөр байна.

ХАМТАТГАХ (5/21-6/21)

Өнөөдөр таны зам дээр саад бэрхшээл гарч ирнэ. Хамт олон чинь танд муу хандана. Хайр дурлалын шинэ харилцаанд ороод хэрэггүй, олигтой үр дүн авчрахгүй. Сэтгэл өвтгөж, урам хугалсан явдал болно. Хайртай хүн чинь танаас урваж, таныг хуурч мэхэлж магадгүй.

 МЭЛХИЙ  (6/22-7/22)   

Олон аялал, танилууд таныг хүлээж байна. Өөртөө хэт итгэлтэй байдал тань жолооны ард эсвэл нийтийн тээврийн хэрэгсэлд таны анхаарлыг сулруулж болзошгүй. Онц шаардлагагүй уулзалт, ярианаас татгалз. Таны эрүүл мэндэд сөргөөр нөлөөлнө. Хөршүүд, хамаатнуудтайгаа маргалдахаас зайлсхий.

АРСЛАН (7/23-8/22)   

Тогтворгүй өдөр болно. Сэтгэл санааны өөрчлөлтөөс ихээхэн зүйл шалтгаална. Энэ орой заавал амарч халуун усанд ор. Албан ажилдаа хувийн харилцааг бүү хутгалдуул. Орлого ихтэй өдөр олон тохиох ч түншийгээ сайн ажиллуулахгүй бол хичнээн хичээнгүйлэн ажилласан ч эд мөнгөний асуудал хэвээр байна.

ОХИН (8/23-9/22)

Энэ өдөр азтай байна. Хэрвээ та хичээвэл өнөөдөр та сугалаа хожих зэрэгт азтай байна. Шагнал, бэлэг авах магадлалтай. Та өөрийнхөө аз жаргалын дархан. Та гэрээсээ ч гаралгүй чухал мэдээлэл ажлын материалуудаа хүлээн авч бүтээж туурвих чадвартай бай. Ирж буй мэдээлэлтэй танилцаж зөв шийдвэр гаргаарай.

ЖИНЛҮҮР (9/23-10/22)   

Цэвэрлэгээ хийж, илүү дутуу зүйлээсээ салах өдөр. Элдэв амлалт, тангараг, хэлхээ холбоо саад тотгор учруулж байгааг мэдэрнэ. Зүүдэндээ бүү итгэ. Хэт идэвх бүү гарга өнгөрсөн сарын үр дүнгээ тооц. Үйл явдлуудад дүгнэлт хий.

ХИЛЭНЦ (10/23-11/21)   

Танд бүрэн бууж өгөх тулгалт ирсэн ч гэнэтийн шийдвэр бүү гарга. Буруу алхам бүр тань маш их саад тотгор учруулна. Арилжаа наймаанд явахгүй байхыг зөвлөе. Шинэ ажил амжилттай байх боловч хөндлөнгийн оролцоо үр дүнд сөрөг нөлөөтэй. Энэ үйл явдал таны дурсамжид удаан хадгалагдана.

НУМ (11/22-12/21)

Та өнөөдөр нийтэч, хөдөлгөөнтэй байна. Танд яг хэрэгтэй зүйлийг тань бэлэглэж магадгүй. Хэдийгээр нөхөрсөг уулзалт болсон ч ярианы сэдэв санхүү, цаашдын ажил хэрэг байх болно. Хүндхэн сонголт хийж, асуудлыг шийдвэрлэхдээ өөрийн зорилт хийгээд боломжийг шүүмжлэлтэй үнэл. Эд мөнгөний байдал тогтвортой байна.

МАТАР (12/22-1/19)

Бүүдгэр, ердийн өдөр. Ажил ихтэй байна. Сарын оргил ажилын үр дүн өөх ч биш булчирхай ч биш байвал бүү гутар. Ирэх сард бүгд амжилтад хүрч, төлөвлөсөн бүхнээ амжуулах болно. Таны эрүүл мэнд таны хөгжөөнт байдлаас хамаарна. Эрүүл мэндээ бодож хөгжилтэй, хөдөлгөөнтэй байж, спортоор хичээллэ. Гоо сайхны салонд оч.

ХУМХ (1/20-2/18)

Бодлогогүй буруу хөрөнгө оруулалтыг ямар нэгэн төсөлд оруулснаас бизнест хүндрэл учирч ихээхэн хэмжээний хохирол амсч болзошгүй. Хөрөнгө оруулалтаа зөв хуваарилж, зөв газарт оруулж байж үр дүнд хүрнэ.

ЗАГАС (2/19-3/20)

Аливаа зүйл хийхэд таатай. Шаардлагатай мэдээлэл, материал, хөрөнгөтэй болж ажилдаа идэвхтэй ор. Эс тэгвээс та чухал үйл явдлуудаас хоцорно. Өдрийн хоёрдугаар хагаст болгоомжтой бай, нөхцөл байдлыг өөрчлөх гэнэтийн уулзалт, мэдээ тохиож болзошгүй.