АТГ өнгөрсөн 7 хоногт эрүүгийн 134 хэрэгт мөрдөн байцаалтын ажиллагаа явуулав

Авлигатай тэмцэх газраас 2017 оны 10 дугаар сарын 30-наас 11 дүгээр сарын 3-ны өдрүүдэд гэмт хэргийн шинжтэй 39 гомдол, мэдээлэл хүлээн авч, нийт 68 гомдол, мэдээллийг шалгав. Үүнээс 5 гомдол, мэдээлэлд хэрэг бүртгэлтийн хэрэг нээж, 22 гомдол, мэдээлэлд хэрэг бүртгэлтийн хэрэг нээхээс татгалзан, 3 гомдол, мэдээллийг харьяаллын дагуу шилжүүлэх, 1 гомдол, мэдээллийг эрүүгийн хэрэгт нэгтгэх саналтайгаар прокурорт шилжүүлсэн байна. Ажиллагаанд одоогоор 37 гомдол, мэдээлэл шалгагдаж байна.