Гэрч, хохирогчийг хамгаалах тухай хууль, үйл ажиллагааг иргэд олон нийтэд сурталчлан таниулж байна

Цагдаагийн албаны тухай хуулийн 10 дугаар зүйлийн 10.1.8-д заасан гэрч, хохирогчийг хамгаалах чиг үүрэг, Гэрч, хохирогчийг хамгаалах тухай хуулийн хэрэгжилтийг хангах ажлын хүрээнд 2017 оны эхний 9 сарын байдлаар Цагдаагийн албанаас 28 гэрч, хохирогч /иргэний/ аюулгүй байдлыг хангах хамгаалалтын арга хэмжээг хэрэгжүүлж байна.

Гэрч, хохирогчийг хамгаалах тухай хууль, үйл ажиллагааг иргэд олон нийтэд сурталчлан таниулах,  үйл ажиллагааны талаарх мэдээллийг иргэдэд түгээх ажлыг “Монголын Үндэсний радио, телевиз”, “UBS”, “TV5”, “Монгол HD”, “EAGLE” “MN25”, “Боловсрол” телевиз, “Үндэсний шуудан” сонин зэрэг хэвлэл мэдээллийн байгууллагуудтай хамтран зохион  байгуулж байна.