Герман 700 тн алтаа татаж авна

ХБНГУ 2020 он гэхэд алтны нөөцийнхөө талаас илүү хувийг өөрийн нутаг дэвсгэрт хадгалахаар төлөвлөж байгаа аж. Өдгөө тус улсын алтны нөөцийн дийлэнх нь хилийн чанадад агуулагдаж байгаа юм. Хүйтэн дайны үеэр ХБНГУ алтны нөөцийнхөө гуравны хоёрыг гадагш гаргасан. Тус улсын үнэт металлын нөөц 3,4 мянган тонн бөгөөд 107 тэрбум еврогоор үнэлэгддэг аж.

Алтны нөөцийнхөө хэмжээгээр Герман улс АНУ-ын дараа хоёрт бичигддэг билээ. Өдгөө нөөцийнх нь 35 хувь нь Франкфурт хотод, 43 хувь нь Нью-Йорк, 13 хувь нь Лондон, 9 хувь нь Парист хадгалагддаг аж. Бундесбанкийн Захирлуудын зөвлөлийн гишүүн Карл Людвиг Тиль тус улсад алтны нөөцөө Франкфурт хотод хадгалах хангалттай зай бий гэдгийг онцлоод цаашид нөөцийн талыг нь тэнд хадгалах болно гэдгийг тодотгов.
Эх сурвалж www.wikimon.mn