М.Уранцэцэг, Д.Сумъяа нар дэлхийн чансааг тэргүүллээ

“Будапешт-2017” жүдо бөхийн насанд хүрэгчдийн ДАШТ өндөрлөж, дэлхийн чансаа шинэчлэгдлээ. Шинэчилсэн чансаагаар Монголын хоёр бөх дэлхийн шилдгүүдийг тэргүүлж эхэллээ. Тодруулбал, МУГТ Д.Сумъяа Дэлхийн Аварга болсноор чансаан дээрээ 2000 оноо нэмж нийт 4732 оноогоор тэргүүн байраа хадгалсан хэвээр үлдэж чадсан юм. Харин МУГТ М.Уранцэцэг Дэлхийн Аваргын Мөнгөн медаль хүртсэнээр 1400 оноо өвөртлөн жингийнхээ тэргүүн байрт бичигдлээ.