Энэ өдрийн зурхай /2017.08.24/

Өнөөдөр аргын тооллын 2017 оны наймдугаар сарын 24. Пүрэв гараг. Билгийн тооллын XVII жарны “Алтан унжлагат” хэмээгч Гал тахиа жилийн Намрын тэргүүн шар бич сарын шинийн 3. Бархасвадь гараг. Харцага одтой, Есөн улаан мэнгэтэй харагчин хонь өдөр.

                          Барилдлага: Хотол чуулган
Шүтэн барилдлага: Сансар
Суудал: Хий

Өдрийн наран 6 цаг 03 минутад мандан, 19 цаг 47 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Балжиннямтай өдөр. Үс шинээр үргээлгэх буюу засуулбал эд малтай баялаг төгс болно хэмээжээ.

* * *ӨРНИЙН ЗУРХАЙ * * *

        ХОНЬ (3/21-4/19)

Уран бүтээл, сэтгүүлийн болон уран зохиолын үйл ажиллагаанаас мөнгө орж ирнэ. Сэтгэл хөдлөлдөө автан хамаг мөнгөө бүү үр. Оюуны түвшин, дур татам байдал, эргэн тойрныхноо давах хүсэл нь ажил хэрэгт болон хайртай хүнтэйгээ харьцах харилцаанд амжилт авч ирнэ.

ҮХЭР (4/20-5/20)

Сонирхлын ноцтой зөрчлөөс болж хамтарсан төсөл эхлэхэд саад тотгор учирч болзошгүй. Таны саналыг хайнга, эсвэл эсэргүүцэн хүлээн авна. Урьдын гэрээ хэлцлээ бүү зөрч. Хуумгай шийдвэр бодлого үгүй алхамд хүргэнэ.

ХАМТАТГАХ (5/21-6/21)

Худалдааны салбарт ажилладаг хүмүүсийн ажил үйлс сарын сүүл рүү амжилттай байна. Ажил их, орлого их олно. Шинэ ажлуудад оролцох нь урд нь хэрэглэж байгаагүй мэдлэгээ амьдрал дээр турших боломж олгоно. Гэвч орлого нь зарлагаа нөхөж чадахгүй, гэр бүлийн төсвөө хянаж бай.

 МЭЛХИЙ  (6/22-7/22)   

Энэ өдөр биеэ даан бодож төлөвлөөд дараа нь хийж чаддаг хүмүүст ээлтэй хандана. Санхүүгийн амжилт гарч эхэлсэн ажил амжилттай дуусна. Хэн нэгэнтэй санаа бодлоо хуваалцаж, эргэлзээгээ тайлах хүсэл төрж магадгүй. Энэ нь тийм ч сайн үр дүн өгөхгүйг одод анхааруулж байна.

АРСЛАН (7/23-8/22)   

 Одод таныг эрсдэлтэй алхам, бодлогогүй үйлдэл хийхэд нөлөөлнө. Мөрийтэй тоглоомд ялж машин юмуу, байр хожно гэж найдсаны хэрэггүй. Гэр орныхоо ажил, засвар хийж, шинэ байшин барьж эхлэ.

ОХИН (8/23-9/22)

Өнөөдөр та мэргэжлийн асуудлууд дээрээ анхаарлаа төвлөрүүлэх ба танаас өөр хэн ч шийдэж чадахгүй зүйлийг нарийвчлан авч үзэх нь гарцаагүй байна. Хэцүү байдлаас гарахын тулд хэвшмэл бус аргыг зоригтой хай. Танд эрч хүч байгаа гэдгийг танаас өөр хүн олж харахгүй байсан ч бууж өгч болохгүй.

ЖИНЛҮҮР (9/23-10/22)   

Од эрхэсийн нөлөөгөөр уран бүтээлийн асар их нөөц, хөдөлмөрийн өндөр бүтэмжтэй байна. Гэвч эдгээр үйл ажиллагаа өр зээлээс шалтгаалан баян чинээлэг эсвэл ядуу зүдүү байдалд хүргэнэ. Зөв шийдвэр гаргах чадвар, саруул ухаан танд алив зүйлийг хэтрүүлэхгүй байхад тусална.

ХИЛЭНЦ (10/23-11/21)   

Хүн олноор цугларсан газраас холуур тайр. Үл таних хүмүүстэй хэрүүл маргаан бүү хий. Энэ өдөр таныг эрүүл мэндээрээ ч юмуу хохирох аюул дагаж байгааг сана. Танд байгаа мэдээлэл асуудлын мөн чанарыг бүрэн дүүрэн илэрхийлж байсан ч чухал шийдвэр гаргахаа хойш нь тавь.

НУМ (11/22-12/21)

Хэтэрхий нэг зүйлд туйлширч дурлавал гэмшихэд хүргэж болзошгүй. Төрөл садан, ойрын хүнтэйгээ муудалцсан бол учраа ол. Олон нийтийн хурал, цуглаанд оролцоод хэрэггүй. Нумын ордны дурласан хүмүүсийг бусдаас хэт хамааралтай байдалд байлгахыг нөгөө тал нь хүснэ. Үдээс хойш чухал гэрээний бага сага ажлыг амжуулах шаардлагатай болвол таны хүч чадлыг барах бололтой.

МАТАР (12/22-1/19)

Эрс эргэлт өөрчлөлт, содон үйл явдлууд, сэтгэл хөдлөлөөр дүүрэн өдөр. Сонирхолын зөрчил үүсч, хэрүүл маргаан нь гар зөрүүлэхэд хүргэх магадлалтай. Шатах дэлбэрэх бодисоос холхон бай. Гэр бүлд маргаан гарч болзошгүй. Ялихгүй зүйлийг тоглоом наргиан болгон өнгөрөө.

ХУМХ (1/20-2/18)

Болгоомжтой бай. Эмзэг эрхтэн тань уушиг, мөгөөрсөн хоолой байх юм байна. Та эмнэлэгт хэвтэж магадгүй. Өөрийгөө өөгшүүлж болохгүй. Амьдралын хэвийн хэм хэмжээг сахь, цочрол түрэмгийллээ дар. Эс бөгөөс эрүүл мэндэд тань хүндрэл учирч болзошгүй.

ЗАГАС (2/19-3/20)

Хөрөнгө мөнгө өөрийн тань нөөц бололцоо, мөн өөрийнхөө биеийг хайр найргүй үрнэ. Зовлон жаргал зэрэг бүхий л зүйлд оролцоно. Үр ашиггүй маргаанаас зайлсхий. Таны карьерт сөргөөр нөлөөлж буруу зам руу хөтлөх сөрөг нөлөө их байна. Гэвч та өөрийн нэр алдрыг маш их эрхэмлэж, хамгаална. Практик ажилд та туйлдаж магадгүй. Зальхай явдалтай, нэр алдартай хүмүүст бүү итгэ, заналхийлэлд бүү авт.