Сонгуулийн өмнөх 1 тэрбум төгрөгийн хэргийг шүүхэд шилжүүлжээ

Ерөнхийлөгчийн сонгуулийн өмнөхөн Говь-Алтай аймгийн нутаг дэвсгэрт “Тоёота-4 runer маркын 0308…” улсын дугаартай автомашинтай иргэд 1 тэрбум 89 сая төгрөгийн бэлэн мөнгө тээвэрлэж явсан нь цагдаагийн шалгалтаар илэрч, хэвлэлээр мэдээлэгдэж байсан. За мөн  зургаадугаар сарын 25-ны өдөр Дорноговь аймгийн нутаг дэвсгэрт “Sonata-6 маркын 8893…” улсын дугаартай автомашинтай залуус 91 сая төгрөгийн бэлэн мөнгийг тээвэрлэж явсныг илрүүлсэн талаар бид мэдээлж байсан. Тухайн үед уг мөнгийг сонгуулийн  сурталчилгааны үеэр тараахаар төлөвлөсөн, санал худалдаж авах зорилготой мөнгө гэх мэдээлэл гарч байсан. Тэгвэл уг асуудлыг цагдаагийн байгууллага шалгаж, харьяаллын дагуу шүүхэд шилжүүлсэн байна.