Улсын аварга Ч.Санжаадамба эсэргүүцэл илэрхийлсээр байна

Тулгар төрийн 2,226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүчит бөхийн барилдааны тавын даваа өндөрлөлөө. Энэ даваа Түрүүлэх бөхөд тооцоглож байсан олон хүчтэн дараалан өвдөг шороодож наадамчин олныг шуугиулав. Аварга Ч.Санжаадамба аймгийн арслан Г.Ганжадыг амлан авч барилдсан барилдаан наадамчин олныг шуугиулав.

Улсын аварга Ч.Санжаадамба тавын даваанд аймгийн арслан Г.Ганжадыг барьц сонгон барилдсан боловч Г.Ганжад дагуулж хөмрөн хоёр бөх тун ойролцоо унасан. амлаж, авсан. Хөлийн цэцүүд аймгийн арслан Г.Ганжадыг давсан хэмээн тооцсон ч Ч.Санжаадамба аварга үүнийг эсэргүүцэн тахимаа өгсөнгүй. Тэрбээр цэцийн шийдвэрийг эсэргүүцэн цэнгэлдэх хүрээлэнгийн дэвжээн дээр зогссоор байна.