Нью Иорк хот зул сарын модоо чимэглэж байна

Америкийн Нью Йорк хотын төвд удахгүй зул сар, шинэ жилийн аварга том сүлд мод сүндэрлэх нь ээ. Нью Йоркийн төв талбай болох Рокфеллер-плазад Америкийн гол сүлд модыг авчирчээ. Рокфеллерын талбайд сүндэрлэх сүлд модны өндөр нь 22 метр, харин жин нь 9 тонн гэнэ. Энэхүү аварга гацуур модыг Коннектикут мужаас зориуд авчирчээ. Эрх чөлөөний орны зул сар, шинэ жилийн баярын гол сүлд модыг тусгай хамгаалалтан дор хол зам туулж авчирсан байна.

Нью Йоркийн төвд байрлуулсан гацуурыг чимэглэх ажил энэ сарын сүүлээр эхлэх юм. Энэ ажилд бараг бүтэн долоо хоног шаардлагатай гэнэ. Нью Йоркийн сүлд модыг чимэглэхэд 30 мянга гаруй өнгө өнгийн гэрэл, бусад чимэглэл шаардлагатай юм. Харин оройд нь 3 метрийн диаметр бүхий аварга том болор од шигтгэнэ. Рокфеллерын талбайд сүндэрлэх сүлд модны нээлт ирэх сарын эхээр болно.