Сирийн өмнөд нутагт 4 хоног гал зогсохоор болсныг мэдэгдэв

Синьхуа агентлагийн мэдээ: Сирийн өмнөд нутагт 7-р сарын 2-ны 12 цагаас 6-ны 00 цаг хүртэл 4 хоногийн хугацаатай гал зогсохоор болсон хэмээн Сирийн арми 3-нд мэдэгджээ.

Энэ удаа энхийн үйл ажиллагаа, үндэсний эвслийг дэмжих зорилгоор Сирийн өмнөд нутгийн Дара, Кунайтера, Свида бүсэд гал зогсоох юм. Сирийн арми гал зогсоохыг ямарваа хэлбэрээр эвдэх үйл ажиллагаанд “хариу өгнө” хэмээн онцлон мэдэгдсэн юм.

Энэ нь өнгөрсөн сарын 17-нд Дара мужид 48 цагийн хугацаатай гал зогсохоор зарласнаас хойш Сирийн засгийн газрын арми дахин ганц талаасаа гал зогсоох тухайгаа зарлаж байгаа юм.

Сирийн асуудлаарх Астанагийн 5 дахь энхийн хэлэлцээрийг 7-р сарын 4-5-нд хийхээр товложээ. Сирийн арми энхийн хэлэлцээрээс өмнө гал зогсоохоо мэдэгдэж байгаа нь хурцадмал байдлыг намжаахын төлөө юм гэж шинжээчид үзэж байна.

Далайнтуяа

ХОУР