ЭМ-ийн сайд Хайрхан сумын эрүүл мэндийн төвд ажиллав

ЭМ-ийн сайд А.Цогцэцэг Архангай аймгийн Хайрхан сумын ЭМТ-д ажиллаж, “Элэг бүтэн Монгол” хөтөлбөрийн явц, хэрэгжилттэй танилцан, эмнэлгийн тусламж үйлчилгээний талаарх нутгийн иргэдийн санал, хүсэлтийг сонсон зарим асуудлыг газар дээр нь шийдвэрлэв.

Тухайлбал, Хайрхан сумын ЭМТ-д нэн шаардлагатай зарим эмнэлгийн тоног төхөөрөмжийг гардуулан өгч, мөн 2018 онд Хайрхан сумын эрүүл мэндийн төвийн барилгыг шинээр барих, хөдөө орон нутагт тохиромжтой туулах чадвар сайтай түргэн тусламжийн автомашин хүлээлгэн өгөхөөр болсон юм.

Сайдыг ажиллах үеэр ард иргэдийн зүгээс МУ-н ЗГ-аас хэрэгжүүлж буй ЭМС-ын үйл ажиллагаа болон “Элэг бүтэн Монгол” хөтөлбөрийн үйл ажиллагааг талархан дэмжиж байгаагаа илэрхийлж байлаа.