Алтанд дурлагсад буюу “Онон гол”-ыг хэн мөхөл рүү түлхэв!!!

Уул уурхай хөгжихийн хэрээр унаган байгаль үгүй  болж байна. Ард иргэд хэдий эсэргүүцдэгч эрх мэдэлтэн, өнгө мөнгөний өмнө толгой гудайсан монгол орны байгаль дэлхий гундуухан байгаа. Гэтэл эрх мэдэлтнүүд газрын доорх баялагийн сургаар хаа  хамаагүй эрх олгож сэндийчүүлсээр  л…

2017 он гараад “АЛТ-2″ хөтөлбөрийг Засгийн газраас хэрэгжүүлж эхэлсэнтэй холбоотойгоор “Бичил уурхай” эрхлэгчдийг дэмжиж ажиллахаа мэдэгдсэн. Үүнийг өнгөрсөн сарын 24-нд баталсан журамдаа, тухайн орон нутгийн дарга нарт бичил уурхай эрхийг олгох, хянах бүрэн эрхийг нь олгосон байдаг. Тэгэхээр Хэнтий Батширээт Гутайн даваанд хууль бус алт олборлоод эхэлсэн нь аймгийн эрхэм засаг дарга Н.Ганбямбын зөвшөөрөлтэй байж таарна. Ямартаа ч мөнгө л байж байвал бусад нь хамаагүй хэмээн үздэг болсон уу?, эсвэл албан тушаалтай байгаа дээрээ ХӨЕӨ-гөө хураахаар улайрдаг болчихсон уу? гэж энэ хурган дарга нараас асуумаар…

Иргэдийн мэдээлж байгаагаар Канадын компани Гутайн даваанд олборлолтоо эхлүүлж байгаа гэнэ. Энэ нь ОНОН голын ай сав бохирдох аюулд хүрч байгаа аж. Гэтэл хан Хэнтийчүүдийн итгэлийг авч гарсан УИХ-ын түшээд нь юу болж байгааг харж мэдэж байгаа ч “нүдэн балай, чихэн дүлий” оргиж байгаа нь бүр харамсалтай.

Эх орны үндэс газар нутаг минь байдаг Эзэн хааны минь төрсөн нутаг гээд бахарахаад байдаг хүмүүс дуу одоо л хоолойгоо өргөж дуугарвал дуу нэг, дугтарвал хүч нэг болмоор!!! Онон гол маань чимээгүйхэн уйлж урсаж байна.

Эх сурвалж: FACT.MN

ЧОЙ