Сэрэмжлүүлэг: “Хурд групп” ХХК-ний Нарны хороололд лифт уналаа

Баянгол дүүргийн 3-р хороо буюу  Улаанбаатар зүтгүүрийн депогийн эзэмшлийн газар дээр “Нарны хороолол” гэх хороолол бий. Уг барилгыг захиалсан, барьсан нь Сангийн сайд Б.Чойжилсүрэнгийн “Хурд групп” ХХК. Ашиглалтад ороод удаагүй уг барилгын лифт өчигдөр унажээ. Тодруулбал өчигдөр орой “Нарны хороолол”-ын 3-р ээжлийн 14-р байрны лифт хоёр давхараас огцом унаж F давхарт ирсэн байна.

Үүгээр ч зогсохгүй хэрхэн  “гажигтаж” байгааг бичлэгээс үзнэ үү.

Уг нь барилгын бүхий л зүйлийг МХЕГ-аас улсын комисс гарч хүлээн авах ёстой. Ийм осолтой лифт хэзээ хаана хэрхэн хүлээн авсан байх вэ? Үүний улмаас хүний амь эрсэдсэн бол хэн хариуцлагыг нь хүлээх вэ?

Уг байранд хичнээн өрх амьдарч байгааг бодож яаралтай арга хэмжээ авна уу.