Сэрэмжлүүлэг: “Цэнхэр халим” тоглоомоос болж 17 настай охин амиа егүүтгэжээ
ОХУ-аас гаралтай “Цэнхэр халим” гэх аюултай тоглоом Монголд аль хэдийнэ нэвтэрсэн байгаа. Тиймээс цагдаагийн байгууллагаас сэрэмжлүүлэг гаргаж, хүүхэд багачуудыг энэ тоглоомд элсэж донтохгүй байх талаар байнга анхааруулсаар байгаа юм.
Тэгвэл ЭЦГ-аас хяналт шалгалт хийж хэд хэдэн нууц газар, группыг илрүүлэн, сэжигтэн этгээдүүдийг шалгаж эхэлсэн байна. Хамгийн харамсалтай нь энэ тоглоомноос болж 17 настай охин амиа хорлосон харамсалтай хэрэг цагдаагийн байгууллагад бүртгэгджээ.
Тодруулбал, Сүхбаатар дүүргийн нутаг дэвсгэрт Нийслэлийн ….сургуулийн 12 дугаар ангид сурдаг охин гэртээ амиа егүүтгэсэн хэрэг энэ сарын 8-нд гарчээ. Хэргийг Сүхбаатар дүүргийн цагдаагийн байгууллагаас шалгаж эхэлсэн бөгөөд дэлгэрэнгүй мэдээлэл өгөх боломжгүй аж.
Амиа алдсан охины хувьд ээжтэйгээ амьдардаг бөгөөд тухайн үед гэрийнхээ 00-ын өрөөнд орж амиа хорлочихлоо гэсэн дуудлагыг цагдаагийн байгууллагад ээж нь өгсөн байна. Хэрэг гарахаас хэдхэн минутын өмнө өөрийнхөө фэйсбүүкээр хүмүүстэй харилцаж байсан гэдгийг ээж нь хэлжээ.
Одоогоор дээрх сургуулийн сурагчдын дунд “Цэнхэр халим” гэх тоглоомын бүлэглэлд орсон сурагч байгаа эсэхийг мөн шалгаж эхэлжээ.
О.Сайхан
zaluu.com
URL:
