Хятадууд 3000 метр гүн уснаас роботоор аврах боломжтой болсон гэв

БНХАУ-ын Зам Тээврийн Яамны Яньтай хотын Тэнгис дэх авран туслах газраас 3000 метрийн гүн усанд роботын ажиллах чадварын туршилтыг өчигдөр дуусгажээ. Ийнхүү БНХАУ 3000 метр гүн уснаас аварч туслах чадвартай болсныг харуулж байгаа гэнэ.

БНХАУ-ын Зам Тээврийн Яамны Яньтай хотын Тэнгис дэх авран туслах газрын танилцуулснаас үзвэл, энэхүү туршилтыг Хятад улс ямар ч дадлага туршлагагүй байдалд хийсэн аж. Яньтай хотын Тэнгис дээрх авран туслах газрынхан асар их сорилттой тулгарсан нөхцөлд олон удаа техникчид, мэргэжилтнүүдийг зохион байгуулан, шинжилгээ судалгаа, хянан хэлэлцүүлэг хийсний эцэст тоног төхөөрөмжийнхөө онцлогт тохирсон, шинжлэх ухааны үндэслэлтэй, хэрэгжих боломжтой туршилтын төслийг боловсруулсан байна.

Энэ оны 3-р сарын эхээр тэнгисийн усанд туршилт хийх ажлаа эхлүүлсэн бөгөөд техникчид туршилтын талбайд 1 сар шаргуу ажиллаж, газар дээрх туршилт, тоног төхөөрөмжийн ажиллагаа, усан онгоцон дээрх угсралт, системууд хоорондын холболт зэрэг ажлуудыг хийж гүйцэтгэсэн ажээ.